පාකිස්තානයට එරෙහි ශ්රී ලංකා ටෙස්ට් සංචිතය නිවේදනය කෙරේ ; අසිතට පළමු තරගය අහිමි වෙයි
පාකිස්තානය සමග පැවැත්වීමට නියමිත තරග දෙකකින් යුත් ටෙස්ට් ක්රිකට් තරගාවලියේ පළමු තරගය සදහා වන ශ්රී ලංකා සංචිතය ශ්රී ලංකා ක්රිකට් ආයතනය විසින් අද(13) නිවේදනය කළා
දිමුත් කරුණාරත්නගේ නායකත්වයෙන් යුත් සංචිතයට ක්රීඩකයින් 16 දෙනෙකු ඇතුළත්.
වේග පන්දු යවන ක්රීඩක අසිත ප්රනාන්දු මෙම සංචිතයට පළමුව නම් කර තිබුණ ද, ඔහුට ඩෙංගු රෝගය වැළදීම හේතුවෙන් සංචිතයෙන් ඉවත් කිරීමට සිදු වූ බවයි ශ්රී ලංකා ක්රිකට් ආයතනය නිවේදනය කළේ.
ඔහු වෙනුවට මෙතෙක් ටෙස්ට් වරම් දිනා නොමැති ඩිල්ෂාන් මදුෂංක සංචිතයට ආදේශ කිරීමටයි පියවර ගෙන ඇත්තේ.
ටෙස්ට් වරම් දිනා නොමැති දග පන්දු යවන ක්රීඩක ලක්ෂිත මනසිංහ ද සංචිතයට ඇතුළත්.
නිරෝෂන් දික්වැල්ල මෙම සංචිතයට ද ඇතුළත් කර නොමැති අතර, ඒ අනුව අයර්ලන්තයට එරෙහි තරගාවලියේ දී කඩුලු රකින පිතිකරු ලෙස කටයුතු කළ සධීර සමරවික්රම පාකිස්තානයට එරෙහි පළමු ටෙස්ට් තරගයේ දී ද කඩුලු රකින පිතිකරු ලෙස කටයුතු කරනු ඇති.
පැතුම් නිස්සංක හා ප්රවීන් ජයවික්රම යළි ටෙස්ට් සංචිතයට කැදවා ඇති අතර, දුෂාන් හේමන්ත, ලසිත් ඇඹුල්දෙණිය, මිලාන් රත්නායකට සංචිතයේ ස්ථාන අහිමි වී තිබෙනවා.
දෙරට අතර පළමු ටෙස්ට් තරගය ජූලි 16 වැනිදා ගාල්ලේ දී ද, දෙවැනි ටෙස්ට් තරගය ජූලි 24 වැනිදා කොළඹ එස්.එස්.සී ක්රීඩාංගනයේ දී ද ආරම්භ වීමට නියමිතව තිබෙනවා.
සංචිතය –
1) Dimuth Karunaratne – Captain
2) Nishan Madushka
3) Kusal Mendis
4) Angelo Mathews
5) Dinesh Chandimal
6) Dhananjaya De Silva – Vice Captain
7) Pathum Nissanka
8 ) Sadeera Samarawickrama
9) Kamindu Mendis
10)Ramesh Mendis
11) Prabath Jayasuriya
12) Praveen Jayawickrama
13) Kasun Rajitha
14) Dilshan Madushanka
15) Vishwa Fernando
16) Laksitha Manasinghe