පසුපෙල පිතිකාරිණියන්ගේ සටන හමුවේ එංගලන්තයට ජය අහිමි වෙයි
Match Report
පසුපෙල පිතිකාරිණියන්ගේ සටන්කාමී පිතිහරඹය හේතුවෙන් එංගලන්ත කාන්තා කණ්ඩායම සමග පැවැති ටෙස්ට් ක්රිකට් තරගය ජය පරාජයෙන් තොරව නිමා කර ගැනීමට සංචාරක ඉන්දීය කාන්තා කණ්ඩායම සමත් වුණා.
බ්රිස්ටල්හි පැවැති තරගයේ සිව්වන හා අවසන් දිනය මෙරට වේලාවෙන් ඊයේ(19) රාත්රියේ නිමා වන විට අඛණ්ඩව සිය දෙවැනි ඉනිම ක්රීඩා කරමින් සිටි ඉන්දියාව කඩුලු 8ක් දැවී ලබා සිටි ලකුණු සංඛ්යාව 344ක්.
9 වන කඩුල්ල වෙනුවෙන් Sneh Rana හා Taniya Bhatia අතර ලකුණු 104ක නොබිදුණු සබදතාවයක් ගොඩ නැගීම තරගය ජය පරාජයෙන් තොරව අවසන් වීමට බලපෑ ප්රධානම හේතුව බවට පත් වුණා.
Sneh Rana නොදැවී ලකුණු 80ක් ලබා ගත් අතර, Taniya Bhatia නොදැවී ලකුණු 44යි.
පළමු ඉනිමේ දී ලකුණු 96කට දැවී ගිය ෂෆාලි වෙර්මා ඉන්දීය දෙවැනි ඉනිම ද ශක්තිමත් කරමින් ලකුණු 63ක් රැස් කළා. දීප්ති ෂර්මා ලකුණු 54යි.
පන්දු යැවීමේ දී Sophie Ecclestone කඩුලු 4ක් බිද හෙලුවා.
තරගයේ පළමුවෙන් පන්දුවට පහරදුන් එංගලන්ත ක්රීඩිකාවන් සිය පළමු ඉනිම අත්හිටුවීමට තීරණය කළේ කඩුලු 9ක් දැවී ලකුණු 396ක් ලබා සිටියදීයි.
අනතුරුව සිය පළමු ඉනිම සදහා ඉන්දියාවට සියලු දෙනා දැවී රැස් කර ගත හැකි වූයේ ලකුණු 231ක් පමණයි.