හෙට්මයර් කැදවමින් වෙනස්කම් කිහිපයක් සමග කොදෙව් එක්දින සංචිතය නම් කෙරේ
ඉන්දියාව සමග පැවැත්වීමට නියමිත තරග 3කින් යුත් එක්දින ක්‍රිකට් තරගාවලිය සදහා වන බටහිර ඉන්දීය කොදෙව් සංචිතය නම් කර තිබෙනවා.
ෂේයි හෝප්ගේ නායකත්වයෙන් යුත් සංචිතයට ක්‍රීඩකයින් 15 දෙනෙකු ඇතුළත්.
ශිම්රන් හෙට්මයර් හා ඔෂේන් තෝමස් යළි එක්දින සංචිතය සදහා කැදවීමටයි එරට තේරීම් කමිටුව පියවර ගෙන ඇත්තේ.
2023 ලෝක කුසලාන ක්‍රිකට් තරගාවලියේ සුදුසුකම් ලබා ගැනීමේ තරගාවලියට ශිම්රන් හෙට්මයර් නම් කර තිබුණේ නැහැ. කොදෙව්වන් එම තරගාවලියේ දී තරග 7න් තරග 4ක් පරාජය වූ අතර, ඒ අනුව ලෝක කුසලාන තරගාවලියට ද සුදුසකම් ලබා ගැනීමට ඔවුන්ට නොහැකි වුණා.
හෙට්මයර් අවසන් වරට කොදෙව් කණ්ඩායම වෙනුවෙන් 2022 අගෝස්තු මාසයේ දී 20යි 20 තරගයක් ක්‍රීඩා කර තිබූ අතර, අවසන් වරට එක්දින තරගයක් ක්‍රීඩා කර ඇත්තේ 2021 වසරේ ජූලි මාසයේ දී යි.
ආබාධයකට ලක්වීම හේතුවෙන් කීමෝ පෝල්ට ඉන්දියාවට එරෙහි මෙම තරගාවලිය අහිමි වී ඇති අතර, නිකලස් පූරාන් හා ජේසන් හෝල්ඩර් ද තේරීම් සදහා සලකා බලා නැහැ.
ශල්‍යකර්මවලට ලක් වීමෙන් පසුව පුනරුත්තාපන කටයුතු නිමා කළ වේග පන්දු යවන ක්‍රීඩක ජෙයිඩ්න් සීල්ස් හා පාදග පන්දු යවන ක්‍රීඩක Yannic Cariah ද යළි සංචිතයට නම් කර තිබෙනවා.
පිට කොන්ද ආශ්‍රිත ආබාධයකට ලක්ව සිටි වමත් දග පන්දු යවන ක්‍රීඩක Gudakesh Motie ද යළි සංචිතයට කැදවීමටයි තීරණය කර ඇත්තේ.
දෙරට අතර පැවැත්වෙන එක්දින තරගාවලිය එළඹෙන 27 වැනිදා බාර්බඩෝස් හී දී ආරම්භ වීමට නියමිතයි.
West Indies ODI Squad:
Shai Hope (C), Rovman Powell (VC), Alick Athanaze, Yannic Cariah, Keacy Carty, Dominic Drakes, Shimron Hetmyer, Alzarri Joseph, Brandon King, Kyle Mayers, Gudakesh Motie, Jayden Seales, Romario Shepherd, Kevin Sinclair, Oshane Thomas