හසරංගට හා තුෂාරට CPL අහිමි වෙයි
ශ්රී ලංකා දග පන්දු යවන තුන් ඉරියව් ක්රීඩක වනිදු හසරංගට හා වේග පන්දු යවන ක්රීඩක නුවන් තුෂාරට 2024 කැරිබියන් ප්රිමියර් ලීග් තරගාවලිය ක්රීඩා කිරීමේ අවස්ථාව අහිමි වී තිබෙනවා.
ඒ, ඉන්දියාව සමග පැවැති සීමිත පන්දුවාර තරගාවලියන්හී දී ඔවුන් දෙදෙනා මුහුණ දුන් ආබාධ හේතුවෙන්.
මෙවර තරගාවලියේ දී ඔවුන් දෙදෙනාම St Kitts & Nevis Patriots කණ්ඩායම (ශාන්ත කිට්ස් ඇන්ඩ් නෙවිස් පැට්රියෝට්ස්) වෙනුවෙන් ක්රීඩා කිරීමට නියමිතව සිටියා.
ඔවුන් දෙදෙනා වෙනුවට දකුණු අප්රිකාවේ ටබ්රයිස් ශම්සි හා අන්රික් නොකියා සංචිතයට ආදේශ කිරීමටයි Patriots කණ්ඩායම තීරණය කර ඇත්තේ.
2024 CPL තරගාවලිය අගෝස්තු 30 වැනිදා ආරම්භ වීමට නියමිතයි.
එම තරගාවලියේ දී ශ්රී ලංකා දග පන්දු යවන ක්රීඩක මහීෂ් තීක්ෂණ Barbados Royals (බාර්බඩෝස් රෝයල්ස්) කණ්ඩායම ද, ප්රහාරාත්මක පිතිකරු භානුක රාජපක්ෂ St Lucia Kings ( ශාන්ත ලුසියා කිංග්ස් ) කණ්ඩායම ද නියෝජනය කිරීමට නියමිතව තිබෙනවා.
St Kitts & Nevis Patriots squad for CPL 2024
Kyle Mayers, Tabraiz Shamsi, Rilee Rossouw, Evin Lewis, Sherfane Rutherford, Sikandar Raza, Anrich Nortje, Andre Fletcher, Tristan Stubbs, Dominic Drakes, Mikyle Louis, Odean Smith, Joshua da Silva, Veerasammy Permaul, Ryan John, Ashmead Nedd, Johann Layne