සෞඛ්‍ය උපදෙස් කඩකළ ආචර් කණ්ඩායමෙන් ඉවත් කෙරේ – දින 5ක් නීරෝධායනයට

බටහිර ඉන්දීය කොදෙව් කණ්ඩායම සමග අද(16) ආරම්භ වන දෙවැනි ටෙස්ට් ක්‍රිකට් තරගය එංගලන්ත වේග පන්දු යවන ක්‍රීඩක ජොෆ්ර ආචර්ට අහිමි වී තිබෙනවා.

ඒ, ඔහු කණ්ඩායමේ ජෛව ආරක්ෂිත උපදෙස්වලට පටහැනිව කටයුතු කිරීම හේතුවෙන්.

අද තරගය සදහා ඊයේ(15) පස්වරුවේ ප්‍රකාශයට පත් කෙරුණු එංගලන්ත සංචිතයට ජොෆ්ර ආචර්ව ඇතුළත්ව තිබුණා.

කෙසේ වෙතත්, ඔහුව මෙම තරගයෙන් ඉවත් කළ බවට අද දිනයේ දී එංගලන්ත ක්‍රිකට් ආයතනය සදහන් කළ ද, ඔහු විසින් සිදු කර ඇති වරද කුමක්ද යන්න මෙතෙක් අණාවරණය කර නැහැ.

ජොෆ්ර ආචර් මේ වන විට අදාළ සිදු වීම සම්බන්ධයෙන් සිය කණගාටුවද ප්‍රකාශ කර තිබෙනවා.

ඔහුව මේ වන විට දින පහක් ස්වයං නීරෝධායනයට ද ලක් කර ඇති අතර, යළි කණ්ඩායම හා එක් වීමට නම් ඔහුට කොරෝනා සම්බන්ධ වෛද්‍ය පරීක්ෂණ දෙකකින් සමත් වීමට සිදු වනු ඇති.

You might also like