සුරංග ලක්මාල් ජාත්‍යන්තර ක්‍රිකට් පිටියට සමු දීමට තීරණය කරයි
ශ්‍රී ලංකා වේග පන්දු යවන ක්‍රීඩක සුරංග ලක්මාල් ජාත්‍යන්තර ක්‍රිකට් පිටියෙන් සමු ගැනීමට තීරණය කර තිබෙනවා.
එළඹෙන ඉන්දීය තරග සංචාරයෙන් පසුව තමා ජාත්‍යන්තර ක්‍රිකට් පිටියට සමු දෙන බවයි ඔහු ශ්‍රී ලංකා ක්‍රිකට් ආයතනයට දැනුම් දී ඇත්තේ.
මේ වන විට 34 වන වියේ පසුවන ලක්මාල් ශ්‍රී ලංකා ටෙස්ට් කණ්ඩායමේ නායකයා ලෙස ද කටයුතු කළා.
ශ්‍රී ලංකාව වෙනුවෙන් ටෙස්ට් තරග 68ක්, එක්දින තරග 86ක් හා 20යි 20 තරග 11ක් ක්‍රීඩා කර ඇති සුරංග ලක්මාල් එහිදී පිළිවෙලින් කඩුලු 168 ක්, 109 ක් හා 8 ක් බිද හෙලීමට සමත් වුණා.
ශ්‍රී ලංකා කණ්ඩායමේ ඉන්දීය තරග සංචාරයට ටෙස්ට් තරග දෙකක් සහ 20යි 20 තරග 3ක් ඇතුළත් අතර, මේ වන විට නිකුත් කර ඇති තරග කාලසටහනට අනුව පළමු ටෙස්ට් තරගය පෙබරවාරි 25 වනදා ආරම්භ වීමට නියමිතයි.