Ultimate magazine theme for WordPress.

සිම්බාබ්වේ නායක විලියම්ස් හා අර්වින් නිරෝධායනයට; ටෙස්ට් තරගයත් අහිමි වෙයි

සිම්බාබ්වේ ක්‍රිකට් කණ්ඩායමේ නායක ශෝන් විලියම්ස්ට හා ක්‍රෙයිග් අර්වින්ට බංග්ලාදේශය සමග ආරම්භ වීමට නියමිත ටෙස්ට් ක්‍රිකට් තරගය සදහා ක්‍රීඩා කිරීමේ අවස්ථාව අහිමි වී තිබෙනවා.

ඒ, කොවිඩ් 19 ආසාදනය වූ පවුලේ සාමාජිකයෙකුගේ ආශ්‍රිතයින් ලෙස ඔවුන් දෙදෙනා හදුනා ගැනීමත් සමගයි.

ඒ අනුව ශෝන් විලියම්ස් හා ක්‍රෙයිග් අර්වින් ස්වයං නිරෝධායනයට ලක් කර ඇති බව සදහන්.

ජ්‍යෙෂ්ඨ ක්‍රීඩකයින් දෙදෙනෙකුට මෙලෙස හෙට(7) බුලවායෝ හී දී ආරම්භ වීමට නියමිත ටෙස්ට් තරගයට ක්‍රීඩා කිරීමට නොහැකි බව බැවින් සිම්බාබ්වේ කණ්ඩායම මෙහෙයවීමේ වගකීම බ්‍රෙන්ඩන් ටේලර්ට පැවරෙනු ඇති.

පසුගියදා නම් කෙරුණු බංග්ලාදේශයට එරෙහි සිම්බාබ්වේ සංචිතයට මෙතෙක් ටෙස්ට් වරම් නොලැබූ Chivanga Tanaka, Joylord Gumbie, Takudzwanashe Kaitano සහ Dion Myers යන ක්‍රීඩකයින් 4 දෙනා ද ඇතුළත්.

මේ අතර, ආබාධයකට ලක්වීමෙන් පසු මෙතෙක් සම්පූර්ණ සුවය ලබා නොමැති බංග්ලාදේශ පිතිකරු ටමිම් ඉක්බාල්ට ද අදාළ ටෙස්ට් තරගය ක්‍රීඩා කිරීමට නොහැකි වනු ඇති බවයි බංග්ලාදේශ පුහුණුකරු රසල් ඩොමින්ගෝ සදහන් කළේ.

කෙසේ වෙතත්, ආබාධයකට ලක්ව සිටි මුෂ්ෆිකර් රහීම්ට හෙට තරගය සදහා ක්‍රීඩා කිරීමේ අවස්ථාව හිමි වනු ඇති බව සදහන්.

You might also like
logo