සිදු විය හැකි වෙනස්කම් දෙකක් ගැන දසුන් පහදයි
ඔස්ට්රේලියාවේ පැවැත්වෙන 2022 අයි.සී.සී පන්දුවාර 20යි 20 ලෝක කුසලාන ක්රිකට් තරගාවලියේ පළමු වටය යටතේ ශ්රී ලංකාව ක්රීඩා කරන අවසන් තරගය හෙට(20) නෙදර්ලන්තට එරෙහිව පැවැත්වීමට නියමිතව තිබෙනවා.
තරගය මෙරට වේලාවෙන් පෙරවරු 9.30 ට ජීලෝන්ග් හී දී ආරම්භ වීමටයි නියමිතව ඇත්තේ.
මෙම තරගයෙන් ජයගතහොත් ශ්රී ලංකා කණ්ඩායමට සුපිරි 12 වටය සදහා සුදුසුකම් ලබා ගැනීමේ අවස්ථාව හිමි වනවා.
කෙසේ වෙතත්, මේ වන විට ශ්රී ලංකා කණ්ඩායමේ ක්රීඩකයින් කිහිප දෙනෙකුම ආබාධවලට ලක්ව සිටීම හේතුවෙන් ශ්රී ලංකා කණ්ඩායම යම් අර්බුදයකට ද ලක්ව සිටිනවා.
වේග පන්දු යවන ක්රීඩක දුෂ්මන්ත චමීරට මේ වන විට මෙවර ලෝක කුසලානයේ ඉතිරි සියලු තරග ක්රීඩා කිරීමේ අවස්ථාව අහිමි වී ඇති අතර, ප්රමෝද් මදුෂාන් හා ධනුෂ්ක ගුණතිලක ද ආබාධවලට ලක්ව සිටිනවා.
ගුණතිලකගේ ආබාධය හේතුවෙන් ඊයේ එක්සත් අරාබි එමීර් රාජ්ය කණ්ඩායමට එරෙහිව පැවැති තරගය සදහා චරිත් අසලංක කණ්ඩායමට කැදවීමට පියවර ගැනුණා.
මේ වන විට ශ්රී ලංකා සංචිතයේ රැදී සිටින සෙසු වේග පන්දු යවන්නන් දෙදෙනා වන්නේ බිනුර ප්රනාන්දු හා ලහිරු කුමාරයි.
අද පැවැති මාධ්ය හමුවකදී ශ්රී ලංකා ක්රීඩකයින්ගේ ආබාධ තත්ත්වයන් සම්බන්ධයෙන් නායක දසුන් ශානක අදහස් පල කළ අතර, එහිදී ඔහු ඉගි පල කර සිටියේ ලහිරු කුමාර හා බිනුර ප්රනාන්දු මීළග තරගයේ දී ශ්රී ලංකා කණ්ඩායමට එක් වනු ඇති බවටයි.
දර්ශන පහතින් නරඹන්න –