Ultimate magazine theme for WordPress.

“ශ්‍රී ලංකා කණ්ඩායම ඉතා භයානක ප්‍රතිවාදී කණ්ඩායමක්” : බට්ලර්

ශ්‍රී ලංකා කණ්ඩායම ඉතා භයානක ප්‍රතිවාදී කණ්ඩායමක් බව එංගලන්ත පිතිකරු ජොස් බට්ලර් පවසනවා.

එළඹෙන 20යි 20 සහ එක්දින තරගාවලියේ දී ශ්‍රී ලංකාවෙන් ඉතා හොද අභියෝගයක් අපේක්ෂා කරන බවයි ඔහු මාධ්‍ය වෙත සදහන් කළේ.

“මම නිතරම සිතන්නේ ශ්‍රී ලංකා ක්‍රිකට් ක්‍රීඩාව ශක්තිමත් බවයි. මහේල ජයවර්ධන සහ කුමාර් සංගක්කාර වැනි ක්‍රීඩකයින් අහිමි වූ අවස්ථාවක ඔවුන්ව ආදේශ කිරීම ඇදහිය නොහැකි තරම් ඉතාමත් දුෂ්කරයි; සහ (ලසිත්) මාලිංග, මෑත කාලයේ දී ඉවත් වූ සුපිරි තරුවක්. ඇත්ත වශයෙන්ම ඒ ක්‍රීඩා ප්‍රමිතියට පැමිණෙන ඊළඟ ක්‍රීඩකයින් සොයා ගැනීමට කාලයක් ගතවෙනවා.” යනුවෙන් ජොස් බට්ලර් සදහන් කළා.

“ශ්‍රී ලංකා ක්‍රිකට් ක්‍රීඩාවට සැමවිටම දක්ෂ ක්‍රීඩකයින් ඉන්නවා. එයාලා ඉතා භයානක ප්‍රතිවාදී කණ්ඩායමක්. මම අපේක්ෂා කරනවා දැඩි අභියෝගයක් සහ හොද ක්‍රිකට් ක්‍රීඩාවක් ඉදිරි මාසයේ දී”

මේ අතර, ශ්‍රී ලංකා නායක කුසල් ජනිත් පෙරේරා භයානක ක්‍රීඩකයෙකු බව ද ඔහු මෙම මාධ්‍ය හමුවේ දී සදහන් කළා.

එමෙන්ම වනිදු හසරංග ඉහළ කතාබහට ලක්වූ ආකර්ෂණීය ක්‍රීඩකයෙකු ලෙසයි ජොස් බට්ලර් මෙහිදී පෙන්වා දුන්නේ.

You might also like
logo