ශ්‍රී ලංකා යොවුන් පිලට ලකුණු 195 ක පරාජයක්
ශ්‍රී ලංකා වයස අවුරුදු 19න් පහළ කණ්ඩායම සමග පැවැති දෙවැනි එක්දින ක්‍රිකට් තරගයෙන් ලකුණු 195 ක ජයක් වාර්තා කිරීමට බටහිර ඉන්දීය කොදෙව් වයස අවුරුදු 19න් පහළ කණ්ඩායම ඊයේ(30) සමත් වුණා.
දඹුල්ලේ පැවැති තරගයේ පළමුව පන්දුවට පහරදුන් කොදෙව් යොවුන් කණ්ඩායම නියමිත පන්දුවාර 50 තුළ කඩුලු 8 ක් දැවී ලකුණු 320 ක් රැස් කළා.
Jordan Johnson ලකුණු 105 ක් ලබා ගත්තා. සිනෙත් ජයවර්ධන කඩුලු 4 ක් දවා ගත්තා.
පිළිතුරු ඉනිම ක්‍රීඩා කළ ශ්‍රී ලංකා යොවුන් කණ්ඩායමට පන්දුවාර 30.5 ක් අවසානයේ සියලු දෙනා දැවී ලබා ගත හැකි වූයේ ලකුණු 125 ක් පමණයි.
මල්ෂ තරුපති ලකුණු 51 ක් රැස් කළ අතර, Deshawn James හා Isai Thorne කඩුලු 3 බැගින් බිද හෙලුවා.