ශ්‍රී ලංකා යොවුන් කණ්ඩායම පාකිස්තාන සංචාරයක ; කාලසටහනත් නිවේදනය කෙරේ

ශ්‍රී ලංකා වයස අවුරුදු 19 න් පහළ කණ්ඩායමේ පාකිස්තාන තරග සංචාරයේ තරග කාලසටහන පාකිස්තාන ක්‍රිකට් ආයතනය විසින් අද(2) නිවේදනය කළා.

මෙම තරග සංචාරයේ දී දෙරටේ යොවුන් ක්‍රිකට් කණ්ඩායම් අතර සිව්දින තරගයක් හා එක්දින තරග 5 ක් පැවැත්වීමට නියමිතයි.

තරග හයම කරච්චි හී දී පැවැත්වීමට නියමිත බවයි එරට ක්‍රිකට් ආයතනය සදහන් කළේ.

ඔක්තෝබර් 12 වැනිදා ශ්‍රී ලංකා යොවුන් කණ්ඩායම මෙරටින් පිටත්ව යාමට නියමිත අතර, ඔක්තෝබර් 15 වැනිදා සිට 31 වැනිදා දක්වා තරග පැවැත්වීමට නියමිතයි.

සිව්දින තරගය ඔක්තෝබර් 15 වැනිදා ආරම්භ වනවා. එක්දින තරගාවලිය පැවැත්වෙන්නේ ඔක්තෝබර් 22 වැනිදා සිට 31 වැනිදා දක්වායි.

ප්‍රධාන වශයෙන් 2024 වසරේ දී ශ්‍රී ලංකාවේ දී පැවැත්වීමට නියමිත යොවුන් ලෝක කුසලාන ක්‍රිකට් තරගාවලිය අරමුණු කර ගනිමින් මෙම තරගාවලිය පැවැත්වෙනවා.

Schedule:

15-18 October – Four-day match

22 October – First One-Day

24 October – Second One-Day

27 October – Third One-Day

29 October – Fourth One-Day

31 October – Fifth One-Day