ශ්‍රී ලංකා ක්‍රීඩකයින් රිජ්වේ ආර්යා ළමා රෝහලට
ශ්‍රී ලංකා ජාතික ක්‍රිකට් කණ්ඩායමේ ක්‍රීඩකයින් රිජ්වේ ආර්යා ළමා රෝහලේ නිරීක්ෂණ චාරිකාවකට අද(24) පෙරවරුවේ එක් වුණා.
රිජ්වේ ආර්යා ළමා රෝහලේ (LRH) ‘ලිට්ල් හාර්ට්ස්’ ව්‍යාපෘතිය සදහා සහයෝගය දැක්වීමේ අරමුණින් මෙම චාරිකාව සිදු කළ බවයි ක්‍රිකට් ආයතනය සදහන් කළේ.
මෙම චාරිකාවේ දී ක්‍රීඩකයින් රෝහලේ හෘද රෝග වාට්ටු ද නිරීක්ෂණය සදහා එක් වුණා.
ක්‍රීඩකයින්ට අමතරව පුහුණුකරුවන් හා කණ්ඩායම් කලමණාකාරීත්වය මෙම චාරිකාව සදහා එක්ව තිබෙනවා.
ඔවුන්ව පිළිගනු ලැබුවේ රෝහලේ අධ්‍යක්ෂ වෛද්‍ය ජී. විජේසූරිය මහතා හා ‘ලිට්ල් හාර්ට්ස්’ ව්‍යාපෘතියේ අධ්‍යක්ෂ වෛද්‍ය දුමින්ද සමරසිංහ මහතා විසිනුයි.
මෙම චාරිකාවේ දී රෝහලේ බළධාරීන් විසින් ‘ලිට්ල් හාර්ට්ස්’ ව්‍යාපෘතියේ වැඩකටයුතු සම්බන්ධයෙන් ද ක්‍රීඩකයින්ව දැනුවත් කරනු ලැබුවා.
ශ්‍රී ලංකා ක්‍රිකට් ආයතනය විසින් ‘ලිට්ල් හාර්ට්ස්’ ව්‍යාපෘතිය සදහා රුපියල් මිලියන 100 ක මුදලක් ද මෑතකදී පරිත්‍යාග කළා.