ශ්‍රී ලංකාව ලෝකෙන්ම දෙක වෙයි
එක්දින ක්‍රිකට් ඉතිහාසයේ දී වැඩිම තරග ප්‍රමාණයක් අඛණ්ඩව ජයගත් කණ්ඩායම් ලැයිස්තුවේ දෙවැනි ස්ථානය හිමි කර ගැනීමට ශ්‍රී ලංකා කණ්ඩායම අද(9) සමත් වුණා.
ඒ, බංග්ලාදේශය සමග පැවැති මෙවර ආසියානු කුසලාන එක්දින ක්‍රිකට් තරගාවලියේ සුපිරි 4 වටයේ දෙවැනි තරගයෙන් ලකුණු 21 ක ජයක් වාර්තා කිරීමත් සමගයි.
මේ වන විට ශ්‍රී ලංකාව අඛණ්ඩව ජය ගෙන ඇති එක්දින තරග සංඛ්‍යාව 13 ක්.
එම තරග 13 තුළ දී ම ශ්‍රී ලංකා කණ්ඩායම ප්‍රතිවාදී කණ්ඩායමේ සියලු පිතිකරුවන් දවා ගැනීමට ද සමත්ව තිබීම විශේෂත්වයක්.
වැඩිම තරග ප්‍රමාණයක් අඛණ්ඩව ජයගත් කණ්ඩායම් ලැයිස්තුවේ පළමු ස්ථානය ඔස්ට්‍රේලියාවට හිමිව තිබෙනවා.
2003 වසරේ දී ඔවුන් අඛණ්ඩව තරග 21 ක් ජය ගනිමිනුයි එම වාර්තාව පිහිටුවා ඇත්තේ.