ශ්රී ලංකාව පරදා ඔස්ට්රේලියාවට කඩුලු 10 ක පහසු ජයක්
Match Report
දකුණු අප්රිකාවේ පැවැත්වෙන කාන්තා පන්දුවාර 20යි 20 ලෝක කුසලාන ක්රිකට් තරගාවලියේ 11 වැනි තරගයෙන් ඔස්ට්රේලියාව හමුවේ කඩුලු 10 ක පරාජයක් ලැබීමට ශ්රී ලංකා කාන්තා කණ්ඩායමට අද(16) සිදු වුණා.
Gqeberha හි පැවැති තරගයේ කාසියේ වාසිය දිනූ ඔස්ට්රේලියාවේ ආරාධනයෙන් පළමුව පන්දුවට පහරදුන් ශ්රී ලංකාවට නියමිත පන්දුවාර 20 අවසානයේ කඩුලු 8 ක් දැවී ලබා ගත හැකි වූයේ ලකුණු 112 ක් පමණයි. ශ්රී ලංකා ඉනිමේ පන්දුවාර 10 කට (පන්දු 60කට) ආසන්න සංඛ්යාවක් නිලකුණු පන්දු වාර්තා වීම තරගයේ පරාජයට දැඩිව බලපානු ලැබුවා.
නායිකා චමරි අතපත්තු ලකුණු 16 කට දැවී ගිය අතර, හර්ෂිතා සමරවික්රම ලකුණු 34 ක් හා විශ්මි ගුණරත්න ලකුණු 24 ක් ලබා ගත්තා. නිලක්ෂි ද සිල්වා නොදැවී ලකුණු 15 යි.
පන්දු යැවීමේ දී Megan Schutt ලකුණු 24 කට කඩුලු 4 ක් දවා ගත්තා.
පිළිතුරු ඉනිම ක්රීඩා කළ ඔස්ට්රේලියාව පන්දුවාර 15.5 ක් අවසානයේ කිසිදු කඩුල්ලක් නොදැවී ලකුණු 113 ක් ලබා ගනිමින් ජයග්රහනය සපුරා ගත්තා.
ඇලීසා හීලී නොදැවී ලකුණු 54 (43) ක් හා බෙත් මූනි නොදැවී ලකුණු 56 (53) ක් රැස් කළා.
ඔස්ට්රේලියාව මේ වන විට ක්රීඩා කළ තරග තුනම ජය ගනිමින් පළමු කාණ්ඩයේ ප්රසාද ලකුණු සටහනේ පෙරමුණේ පසුවන අතර, ක්රීඩා කළ තරග තුනෙන් තරග 2ක් ජය ගත් ශ්රී ලංකාව දෙවැනි ස්ථානයේ රැදී සිටිනවා.