ශ්‍රී ලංකාව, ඉන්දියාව හා පාකිස්තානය තැබූ අමුතු වාර්තාව
බදාදා(12) දිනයේදී ශ්‍රී ලංකා කණ්ඩායම විසින් ඔස්ට්‍රේලියාව පරදා පළමු එක්දින තරගයෙන් විශිෂ්ඨ ජයක් වාර්තා කිරීමට සමත් වූ බව ඔබ දන්නවා.
ඊයේ දිනයේදී ජාත්‍යන්තර තරග කිහිපයක්ම පැවැති අතර, එම තරග සදහා ශ්‍රී ලංකාව, ඔස්ට්‍රේලියාව, ඉන්දියාව, එංගලන්තය, පාකිස්තානය හා දකුණු අප්‍රිකාව යන රටවල් තරග වැදුණා.
මෙහිදී ඔස්ට්‍රේලියාව හමුවේ ශ්‍රී ලංකාවත්, එංගලන්තය හමුවේ ඉන්දියාවත්, දකුණු අප්‍රිකාව හමුවේ පාකිස්තානයත් ජය ගත්තා.
ඒ අනුව ඊයේ දිනය ඉතිහාසයට එක් වුණේ දකුණු ආසියානු කණ්ඩායම් තුනක් එකම දිනයකදී එක්දින තරග ජය ගත් දිනයක් ලෙසයි.
මීට පෙර එවැනි සිදුවීමක් වාර්තා වී තිබුණේ 1996 ලෝක කුසලාන එක්දින ක්‍රිකට් තරගාවලියේදී පමණයි.
එම තරගාවලියේ දී මාර්තු 6 වැනිදා මෙම කණ්ඩායම් තුනම තමන් ක්‍රීඩා කළ තරග ජය ගෙන තිබුණා.
Today is only the second day in men’s ODI history that three subcontinent teams have won on the same day – Pakistan in Karachi, India in Ahmedabad, Sri Lanka in Colombo. The previous instance was during World Cup 1996 when the same three teams won their matches on March 6.
— Mazher Arshad (@MazherArshad) February 12, 2025