Ultimate magazine theme for WordPress.

වෙස්වළාගත් බුකීකරුවන් IPL පිටියේ දී පොලිස් දැලේ

පසුගියදා අතරමගදී අත්හිටුවීමට පියවර ගත් ඉන්දීය ප්‍රිමියර් ලීග් ක්‍රිකට් තරගාවලිය අතරතුර දී දූෂණ ක්‍රියාවල නිරත වන බවට සැක පිට පුද්ගලයින් දෙදෙනෙකු අත්අඩංගුවට ගෙන තිබෙනවා.

දිල්ලිහි පැවැති රාජස්ථාන් රෝයල්ස් සහ සන්රයිසස් හයිදරාබාද් අතර තරගයේ දී යි ඔවුන් දෙදෙනා අත්අඩංගුවට ගෙන ඇත්තේ.

ව්‍යාජ අයි.පී.එල් අවසර පත්‍ර සමග ඔවුන් ක්‍රීඩාංගනයට ඇතුළු වී තිබූ බව සදහන්.

තවත් තරගයක් පැවැති අවස්ථාවක පිරිසිදු කිරීමේ කටයුතුවල නිරත සේවකයෙකු ලෙස පෙනී සිටිමින් සැකකරුවෙකු ක්‍රීඩාංගනය වෙත පැමිණ තිබෙනවා.

ඉන්දීය ක්‍රිකට් ආයතනයේ දූෂන මර්දන ඒකකයේ නිළධාරීන් ඔහුගෙන් ප්‍රශ්න කිරීමට යාමේ දී සැකකරු තමා සතුව තිබූ ජංගම දුරකතන දෙකක් ද දමා පළා ගොස් ඇති අතර, සැකකරු අත්අඩංගුවට ගැනීම සදහා විමර්ශන ක්‍රියාත්මකයි.

ක්‍රීඩාංගනයේ සිට ඔට්ටු ඇල්ලීමේ ක්‍රියාවල නිරත වීම සදහා ඔවුන් මෙලෙස දිල්ලි ක්‍රීඩාංගනයට පැමිණ ඇති බවටයි සැකපල කෙරෙන්නේ.

රූපවාහිනිය ඔස්සේ තරග සජීවීව විකාශය කරන විට සුළු ප්‍රමාදයක් සිදු වන අතර, එය මගහරවා ගනිමින් තරග තොරතුරු ඔට්ටු ඇල්ලීමේ ක්‍රියා සදහා පහසුවෙන් යොදා ගැනීමේ අරමුණින්(අමතර වාසියක් ලබා ගැනීමේ අරමුණින්) දූෂණ ක්‍රියාවල නිරතවන්නන් මෙලෙස ක්‍රීඩාංගන තුළට පැමිණීම සිදු කරනවා.

පොලීසිය සහ ඉන්දීය ක්‍රිකට් ආයතනයේ දූෂන මර්දන ඒකකයේ නිළධාරීන් එක්ව මෙම සිද්ධීන්වලට අදාළ විමර්ශන සිදු කරනවා.

You might also like
logo