වීඩියෝවක් නිසා රෝහිට් ඇතුළු 5ක් ඔස්ට්‍රේලියාවේ දී හුදෙකලා කෙරේ

සමාජජාලා මාධ්‍ය වෙත නිකුත් කෙරුණු වීඩියෝවක් හේතුවෙන් ඔස්ට්‍රේලියාවට එරෙහි ඉන්දීය ටෙස්ට් සංචිතයේ ක්‍රීඩකයින් පස් දෙනෙකු හුදෙකලා කිරීමකට ලක් කර තිබෙනවා.

පූර්වාරක්ෂක පියවරක් වශයෙන් එම පියවර ගෙන ඇති බවයි ඔස්ට්‍රේලියානු ක්‍රිකට් ආයතනය සදහන් කළේ.

රෝහිට් ෂර්මා, රිෂාබ් පාන්ට්, ෂුබ්මන් ගිල්, ප්‍රිත්වි ෂෝ සහ නව්දීප් සයිනි යන ක්‍රීඩකයින් මෙලෙස සෙසු ක්‍රීඩකයින්ගෙන් හුදෙකලා කර ඇති බව සදහන්.

අදාළ ක්‍රීඩකයින් මෙල්බර්න් නුවර අවන්හලක භෝජන සංග්‍රහයකට එක්ව සිටින ආකාරයක් අදාළ වීඩියෝවේ සටහන්ව තිබෙනවා.

ඒ අනුව ඔවුන් ජෛව ආරක්ෂන සෞඛ්‍ය මාර්ගෝපදේශ උල්ලංඝනය කර ඇත්දැයි ඉන්දීය ක්‍රිකට් ආයතනය සහ ඔස්ට්‍රේලියානු ක්‍රිකට් ආයතනය පරීක්ෂණ ආරම්භ කර ඇති බව සදහන්.

අදාළ ක්‍රීඩකයින් පස් දෙනා හුදෙකලා කර ඇතත්, ඔවුන්ට පුහුණුවීම් කටයුතු සදහා අවසර ලබා දී තිබෙනවා.

You might also like