විශ්වගේ සුපිරි පන්දු යැවීම හමුවේ Durham පිලට ඉනිමක විශිෂ්ඨ ජයක්
විශ්ව ප්‍රනාන්දු ප්‍රමුඛ පන්දු යවන්නන් දැක් වූ සුපිරි දක්ෂතා හමුවේ බ්‍රිතාන්‍යයේ පැවැත්වෙන ප්‍රාන්ත සිව්දින ක්‍රිකට් තරගාවලිය යටතේ Leicestershire කණ්ඩායම සමග පැවැති තරගයෙන් ඉනිමක හා ලකුණු 141 ක ජයක් වාර්තා කිරීමට Durham කණ්ඩායම අද(29) සමත් වුණා.
චෙස්ටර්-ලී-ස්ට්‍රීට්හි පැවැති තරගයේ පළමුව පන්දුවට පහරදුන් Durham කණ්ඩායම කඩුලු 8 ක් දැවී ලකුණු 457 ක් ලබා සිටියදී පළමු ඉනිම අත්හිටවනු ලැබුවා.
අනතුරුව පිට පිට සිය ඉනිම් ද්විත්වයම ක්‍රීඩා කිරීමට සිදු වූ Leicestershire කණ්ඩායමට පළමු ඉනිමේ දී ලකුණු 143 කටත්, දෙවැනි ඉනිමේ දී ලකුණු 173කටත් දැවී යාමට සිදු වුණා.
පළමු ඉනිමේ දී විශ්ව ප්‍රනාන්දු කඩුලු 4 ක් දවා ගත්තේ ලකුණු 40 ක් ලබා දෙමින්. Ben Raine කඩුලු 5 ක් බිද හෙලුවා.
දෙවැනි ඉනිමේ දී ද සාර්ථක පන්දු යැවීමක නිරත වූ විශ්ව ලකුණු 40 කට කඩුලු 3 ක් දවා ගත්තා. මැට් පාර්කින්සන් ද කඩුලු 3 ක් බිද හෙලීමට සමත් වුණා.
Vishva Fernando shines for Durham in County Cricket pic.twitter.com/8vYvo2Tmj1
— CricWire (@CricWireLK) September 29, 2023