විනිසුරුවන්ට එරෙහිව බංග්ලාදේශ ක්‍රිකට් ආයතනයෙන් අයි.සී.සීයට පැමිණිලි
දකුණු අප්‍රිකානු විනිසුරුවරුන් සම්බන්ධයෙන් ජගත් ක්‍රිකට් කවුන්සලයට නිල පැමිණිල්ලක් ඉදිරිපත් කිරීමට කටයුතු කරන බව බංග්ලාදේශ ක්‍රිකට් ආයතනය පවසනවා.
දකුණු අප්‍රිකාවට එරෙහි ටෙස්ට් තරගාවලියෙන් පසුව එම පැමිණිල්ල ඉදිරිපත් කරන බවයි එරට ක්‍රිකට් මෙහෙයුම් ප්‍රධානී Jalal Yunus සදහන් කළේ.
පළමු ටෙස්ට් තරගයේ දී ලබා දුන් විනිසුරු තීරණ රැසක් නිවැරැදි වූයේ නැහැ.
දකුණු අප්‍රිකා – බංග්ලාදේශ එක්දින තරගාවලියෙන් අනතුරුව ද බංග්ලාදේශ ක්‍රිකට් ආයතනය විනිසුරු තීරණ සම්බන්ධයෙන් පැමිණිල්ලක් ඉදිරිපත් කර තිබුණා.
දෙරට අතර පැවැති පළමු ටෙස්ට් තරගයෙන් දකුණු අප්‍රිකා කණ්ඩායමට ලකුණු 220 ක ජයක් හිමි වුණා.
එම තරගයේ විනිසුරුවන් ලෙස කටයුතු කළේ Adrian Holdstock හා Marais Erasmus.
ටෙස්ට් තරග සදහා තරග පැවැත්වෙන රටේ විනිසුරුවන් පත් කිරීමට 2020 වසරේ දී ජගත් ක්‍රිකට් කවුන්සලය තීරණය කළේ පවතින කොවිඩ් 19 වසංගත තත්ත්වය සැලකිල්ලට ගනිමින්.
One sided umpiring in #Durban #Southafrica #SAvsBAN #icc @ICC pic.twitter.com/VcbrD1Ja2h
— Niloy Banerjee Himu 🇧🇩 (@niloy_himu) April 3, 2022