Ultimate magazine theme for WordPress.

විනය විරෝධීව හැසිරුණු ශොරිෆුල්ට අයි.සී.සීයෙන් දැඩි අවවාදයක්

බංග්ලාදේශ වේග පන්දු යවන ක්‍රීඩක ශොරිෆුල් ඉස්ලාම්ට ජගත් ක්‍රිකට් කවුන්සලය විසින් නිල අවවාද කිරීමක් සිදු කර තිබෙනවා.

ඒ, ඔස්ට්‍රේලියාව සමග පැවැති තෙවැනි පන්දුවාර 20යි 20 ක්‍රිකට් තරගයේ දී අයි.සී.සී විනය නීති සංග්‍රහයේ පළමු මට්ටමේ වරදක් සිදු කිරීම හේතුවෙන්.

අයි.සී.සී විනය නීති සංග්‍රහයේ 2.5 වගන්තිය උල්ලංඝනය කරමින් ඔහු විනය විරෝධී ලෙස හැසිරුණු බවටයි චෝදනා එල්ල වුණේ.

මෙම වරද හේතුවෙන් ඔහුගේ විනය වාර්තාවට දඩුවම් ලකුණක් ද ඇතුළත් කිරීමට ජගත් ක්‍රිකට් කවුන්සලය පියවර ගෙන තිබෙනවා.

ඔස්ට්‍රේලියානු ඉනිමේ 18 වන පන්දුවාරයේ දී මිචෙල් මාෂ් දවා ගැනීමෙන් පසුව ශොරිෆුල් ඉස්ලාම් දැඩි ආවේගශීලී අයුරින් එය සැමරීම ඔහුට එල්ල වූ චෝදනාවයි.

ෂොරිෆුල් විසින් සිය වරද හා ලබා දුන් දඩුවම පිළිගෙන ඇති බව අයි.සී.සීය සදහන් කළා.

Leave a comment