Ultimate magazine theme for WordPress.

වැස්ස නිසා ආසියානු කුසලානයේ සුපිරි 4 වටයේ තරගවල වෙනසක් සිදු වන ලකුණු

මේ දිනවල පැවැත්වෙන ආසියානු කුසලාන එක්දින ක්‍රිකට් තරගාවලියේ සුපිරි 4 වටය යටතේ ශ්‍රී ලංකාවේ පැවැත්වීමට නියමිත තරග පැවැත්වෙන ක්‍රීඩාංගනයේ සංශෝදනයක් සිදු කිරීම සම්බන්ධයෙන් ආසියානු ක්‍රිකට් කවුන්සලයේ අවධානය යොමුව තිබෙනවා.

ඒ, කොළඹ ප්‍රදේශයට පසුගිය දිනවල ඇදහැළුණු වර්ෂාව සහිත අයහපත් කාළගුණ තත්ත්වය සැළකිල්ලට ගනිමින්.

වර්ෂාව හේතුවෙන් මහනුවර පල්ලේකැලේ ක්‍රීඩාංගනයේ දී ඊයේ(2) පැවැති ඉන්දු-පාකිස්තාන තරගය ද ප්‍රතිපලයකින් තොරවයි අවසන් කිරීමට සිදු වුණේ.

තරගාවලියේ සුපිරි 4 වටයේ තරග ආරම්භ කරමින් පළමු තරගය පාකිස්තානයේ ලාහෝර් නුවර දී එළඹෙන 6 වැනිදා පැවැත්වීමට නියමිතයි.

අනතුරුව සුපිරි 4 වටය යටතේ පැවැත්වෙන ඉතිරි තරග 5 හා අවසන් මහා තරගය පැවැත්වීමට නියමිතව ඇත්තේ කොළඹ ආර්. ප්‍රේමදාස ක්‍රීඩාගනයේ දී යි.

කොළඹ පැවැත්වීමට නියමිත එම තරග දඹුල්ලේ දී පැවැත්වීම පිළිබද මේ වන විට ආසියානු ක්‍රිකට් කවුන්සලයේ අවධානය යොමුව ඇති බව Indian Express වාර්තා කර තිබෙනවා.

පවතින තත්ත්වය සම්බන්ධයෙන් කණ්ඩායම් දැනුවත් කිරීමට ද ආසියානු ක්‍රිකට් කවුන්සල බළධාරීන් පියවර ගෙන ඇති බව සදහන්.

ආසියානු කුසලාන තරගාවලිය වර්ෂාව අවම කලාපයක පිහිටි දඹුල්ල ක්‍රීඩාංගනයේ දී පැවැත්වීමට ශ්‍රී ලංකා ක්‍රිකට් ආයතනය මීට පෙර යෝජනා කර තිබූ බව ද Indian Express වාර්තා කර තිබුණා.

කෙසේ වෙතත්, කණ්ඩායම් හා විකාශකයින් දඹුල්ලේ සංචාරය කිරීමට සිය අකමැත්ත පල කිරීම නිසා තරගාවලියේ තරග මහනුවර දී හා කොළඹ දී පැවැත්වීමට තීරණය කෙරුණු බව සදහන්.

නමුත් පවතින තත්ත්වය මත කොළඹ පැවැත්වීමට නියමිත තරග වෙනත් ක්‍රීඩාංගනයකදී පවත්වන්නේ දැයි ආසියානු ක්‍රිකට් කවුන්සලය ඉදිරි දින කිහිපයේ දී නිවේදනය කරනු ඇති.

Leave a comment