Ultimate magazine theme for WordPress.

වර්ෂාවෙන් බාධා එල්ල වූ පළමු දිනයේ වැඩි ගෞරව එංගලන්තයට

Day 1 Report

සංචාරක එංගලන්ත කණ්ඩායම හා ඔස්ට්‍රේලියානු කණ්ඩායම අතර පැවැත්වෙන අලුබදුන ටෙස්ට් ක්‍රිකට් තරගාවලියේ සිව්වන තරගය අද(5) සිඩ්නි ක්‍රීඩාංගනයේ දී ආරම්භ වුණා.

තරගයේ කාසියේ වාසිය දිනූ ඔස්ට්‍රේලියාව පළමුවෙන් පන්දුවට පහර දීමටයි තීරණය කළේ.

කෙසේ වෙතත්, පළමු දිනට වර්ෂාවෙන් දැඩි බාධා එල්ල වූ බැවින් අද දිනයේ දී ක්‍රියාත්මක කිරීමට හැකි වූයේ පන්දුවාර 46.5 ක් පමණයි.

දිනය නිමා වන විට ඔස්ට්‍රේලියාව සිය පළමු ඉනිම වෙනුවෙන් කඩුලු 3ක් දැවී ලකුණු 126 ක් ලබා සිටියා.

ඩේවිඩ් වෝනර් ලකුණු 30කටත්, මර්කස් හැරිස් ලකුණු 38කටත්, මර්නස් ලබුෂේන් ලකුණු 28කටත් දැවී ගියා.

ස්ටීවන් ස්මිත් නොදැවී ලකුණු 6ක් හා උස්මාන් කවාජා නොදැවී ලකුණු 4ක් ලබා කඩුල්ලේ රැදී සිටිනවා.

පන්දු යැවිමේ දී ජේම්ස් ඇන්ඩර්සන්, ස්ටුවට් බ්‍රෝඩ් හා මාර්ක් වුඩ් අතරේ කඩුල්ල බැගින් බෙදී ගියා.

Leave a comment
logo