Ultimate magazine theme for WordPress.

වනිදු හා දුෂ්මන්ත අදහස් දක්වන වීඩියෝවක් RCB නිකුත් කරයි

Video
By admin

රෝයල් චැලෙන්ජර්ස් බැංගලෝර් (RCB) කණ්ඩායම සමග එක් වූ ශ්‍රී ලංකා දග පන්දු යවන තුන් ඉරියව් ක්‍රීඩක වනිදු හසරංග හා වේග පන්දු යවන ක්‍රීඩක දුෂ්මන්ත චමීර මෙවර අයි.පී.එල් තරගාවලියට එක් වීම සම්බන්ධයෙන් අදහස් දක්වන වීඩියෝවක් RCB කණ්ඩායම විසින් නිකුත් කර තිබෙනවා.

එම කණ්ඩායම නියෝජනය කළ ඇඩම් සම්පා වෙනුවටයි වනිදුව කණ්ඩායමට ආදේශ කිරීමට පසුගියදා කටයුතු කෙරුණේ.

දුෂ්මන්ත චමීර RCB කණ්ඩායම සමග එක්වුණේ Daniel Sams වෙනුවටයි.

කෙසේ වෙතත්, වනිදු හසරංගට හා දුෂ්මන්ත චමීරට මෙවර ඉන්දීය ප්‍රිමියර් ලීග් තරගාවලියේ ඉතිරි තරග ක්‍රීඩා කිරීම සදහා මෙතෙක් ශ්‍රී ලංකා ක්‍රිකට් ආයතනයෙන් අවසර ලබා දී නොමැති බව ක්‍රිකට් ආයතනයේ ලේකම් මොහාන් ද සිල්වා මහතා පසුගියදා සදහන් කළා.

අයි.පී.එල් තරගාවලියට අදාළ ජෛව ආරක්ෂිත බුබුල තුළින් කොවිඩ් 19 ආසාදිතයින් වාර්තා වීම හේතුවෙන් පසුගිය මැයි මාසයේ දී අතරමගදී අත්හිටුවීමට සිදු වූ මෙවර ඉන්දීය ප්‍රිමියර් ලීග් ක්‍රිකට් තරගාලියේ ඉතිරි තරග සැප්තැම්බර් 19 වනදා සිට එක්සත් අරාබි එමීර් රාජ්‍යයේ දී පැවැත්වීමට නියමිතයි.