වනිදු හසරංගට ඉතිරි 20යි 20 තරග අහිමි වෙයි
ශ්‍රී ලංකා දග පන්දු යවන ක්‍රීඩක වනිදු හසරංගට කොවිඩ් 19 ආසාදනය වී තිබෙනවා.
ඒ හේතුවෙන් ඔහුට ඔස්ට්‍රේලියාව සමග පැවැත්වීමට නියමිත අවසන් 20යි 20 තරග 3 ක්‍රීඩා කිරීමේ අවස්ථාව අහිමි වනු ඇති.
අද පෙරවරුවේ සිදු කෙරුණු රැපිඩ් ඇන්‍ටිජන් පරීක්ෂණයකදී මේ බව අනාවරණය වී ඇති බවයි ශ්‍රී ලංකා ක්‍රිකට් ආයතනය සදහන් කළේ.
අද(15) පැවැත්වෙන තෙවැනි 20යි 20 තරගය සදහා ජෙෆ්රි වැන්ඩර්සේ කණ්ඩායමට ආදේශ කිරීමට ඉඩ තිබෙනවා.
මීට පෙර කුසල් මෙන්ඩිස්ට හා බිනුර ප්‍රනාන්දුට ද එරට දී කොවිඩ් 19 ආසාදනය වුණා.
ඒ හේතුවෙන් කුසල්ට පළමු 20යි 20 තරග දෙක අහිමි වූ නමුත්, අද තරගය සදහා ක්‍රීඩා කිරීමට ඔහු සූදානමින් පසුවනවා.
බිනුර ප්‍රනාන්දු පළමු 20යි 20 තරගයට ක්‍රීඩා කළ නමුත්, ඔහුට තරගාවලියේ ඉතිරි තරග සියල්ල අහිමි වනු ඇති බවයි වාර්තා වුණේ.