ලෝක ටෙස්ට් ශූරතාවලියේ අවසන් තරගය පැවැත්වෙන දින නිවේදනය කෙරේ
2025 අයි.සී.සී ලෝක ටෙස්ට් ශූරතාවලියේ අවසන් මහා තරගය පැවැත්වෙන දින ජාත්යන්තර ක්රිකට් කවුන්සලය විසින් අද(3) නිවේදනය කළා.
ඒ අනුව අවසන් තරගය 2025 වසරේ ජූනි 11 වැනිදා සිට 15 වැනිදා දක්වා ලන්ඩන් නුවර ලෝඩ්ස් ක්රීඩාංගනයේ දී පැවැත්වීමට නියමිතයි.
අවශ්ය වුවහොත් යොදා ගැනීම සදහා ජූනි 16 වැනිදා අතිරේක දිනයක් ලෙස ද වෙන් කර තිබෙනවා.
ලෝක ටෙස්ට් ශූරතාවලියේ අවසන් මහා තරගය පැවැත්වීම සදහා ලෝඩ්ස් ක්රීඩාංගනය යොදා ගන්නා පළමු අවස්ථාව මෙයයි.
මීට පෙර ලෝක ටෙස්ට් ශූරතාවලියේ පළමු අදියරේ අවසන් මහා තරගය (2021 වසරේ දී) එංගලන්තයේ සවුත්හැම්ටන් හී දී ද, ලෝක ටෙස්ට් ශූරතාවලියේ දෙවැනි අදියරේ අවසන් මහා තරගය (2023 වසරේ දී) ලන්ඩන් නුවර ඕවල් ක්රීඩාංගනයේ දී ද පැවැත්වුණා.
එම තරගාවලි දෙක පිළිවෙලින් ජය ගත්තේ නවසීලන්තය හා ඔස්ට්රේලියාවයි.
ලෝක ටෙස්ට් ශූරතාවලියේ ප්රසාද ලකුණු සටහනේ පෙරමුණේ පසුවන කණ්ඩායම් දෙක අවසන් මහා තරගය සදහා සුදුසුකම් ලබා ගන්නවා.
මේ වන විට ඉන්දියාව, ඔස්ට්රේලියාව, නවසීලන්තය හා බංග්ලාදේශය එහි පළමු ස්ථාන හතරේ රැදී සිටින අතර, ශ්රී ලංකාවට හිමිව ඇත්තේ 7 වැනි ස්ථානයයි.