ලෝක කුසලානයට නම් කෙරුණු ශ්‍රී ලංකා මූලික සංචිතය මෙන්න
ADVERTISEMENT
එළඹෙන ලෝක කුසලාන එක්දින ක්‍රිකට් තරගාවලිය සදහා වන මූලික ශ්‍රී ලංකා සංචිතය නම් කර ඇති බව Sunday Times පුවත්පත වාර්තා කර තිබෙනවා.
ආබාධ හේතුවෙන් ආසියානු කුසලාන ක්‍රිකට් තරගාවලිය අහිමි වූ දුෂ්මන්ත චමීර, වනිදු හසරංග හා ඩිල්ෂාන් මදුෂංක යන ක්‍රීඩකයින් මෙම සංචිතයට ඇතුළත් කිරීමටයි පියවර ගෙන ඇත්තේ.
කෙසේ වෙතත්, ආබාධයක් හේතුවෙන් ආසියානු කුසලාන තරගාවලියට ක්‍රීඩා කිරීමට නොහැකි වූ ලහිරු කුමාර ලෝක කුසලානයට නම් කර නැහැ.
චමීර හා මදුෂංකට අමතරව වේග පන්දු යවන්නන් ලෙස සංචිතයට නම් කර ඇත්තේ මතීෂ පතිරණ හා කසුන් රාජිතයි.
වනිදු හසරංග සංචිතයට කැදවීම නිසා දුෂාන් හේමන්තට සංචිතයේ ස්ථානය අහිමි වී තිබෙනවා.
කෙසේ වෙතත්, දග පන්දු යවන තුන් ඉරියව් ක්‍රීඩක දුනිත් වෙල්ලාලගේ සංචිතයේ ස්ථානයක් හිමි කර ගෙන තිබීම කැපී පෙනෙනවා.
චාමික කරුණාරත්නට හා ඇන්ජෙලෝ මැතිව්ස්ට ද සංචිතයේ ස්ථාන හිමිව නැහැ.
ලෝක කුසලාන තරගාවලිය ඔක්තෝබර් 5 වැනිදා ඉන්දියාවේ දී ආරම්භ වීමට නියමිතයි.
Squad:
Dasun Shanaka (C), Pathum Nissanka, Dimuth Karunaratne, Kusal Mendis, Charith Asalanka, Kusal Janith Perera, Dhananjaya de Silva, Sadeera Samarawickrema, Wanindu Hasaranga, Dunith Wellalage, Maheesh Theekshana, Dushmantha Chameera, Kasun Rajitha, Matheesha Pathirana, Dilshan Madushanka