“ලොව හොදම යෝකර් පන්දු යවන්නා මාලිංග” – බුම්රා

ලොව හොදම යෝකර් පන්දු යවන්නා ශ්‍රී ලංකා 20යි 20 නායක සහ සුපිරි වේග පන්දු යවන ක්‍රීඩක ලසිත් මාලිංග බව ඉන්දීය වේග පන්දු යවන ක්‍රීඩක ජස්ප්‍රිට් බුම්රා පවසනවා.

මුම්බායි ඉන්දියන්ස් කණ්ඩායමේ නිල ට්විටර් ගිණුමේ තැබූ ට්විටර් පණිවිඩයකයි මෙම ප්‍රකාශය ඇතුළත්ව ඇත්තේ.

“මාලිංග තමයි ලෝකයේ හොදම යෝකර් පන්දු යවන්නා. ඔහු ඒක යොදා ගත්තා බොහෝ කාලයක් ඔහුගේ වාසිය සදහා.”

යනුවෙන් බුම්රා සදහන් කළා.

සිය පුහුණුවීම් කටයුතු පිළිබදව මෙහිදී ජස්ප්‍රිට් බුම්රා සදහන් කළේ මෙවැනි අදහසක්.

“මම සතියට දින 6ක් විතර පුහුණුවීම් කරමින් ඉන්නවා. නමුත් දීර්ඝ කාලයකින් පන්දුවක් යවලා නැහැ. මම දන්නේ නැහැ මම පළමු පන්දුව යවන කොට ශරීරිය ඒකට කොහොම ප්‍රතිචාර දක්වයිද කියලා.”

You might also like