Ultimate magazine theme for WordPress.

යොවුන් ලෝක කුසලානය වෙනුවෙන් තරග වදින අවසන් කණ්ඩායම් 4 තහවුරු වෙයි

බටහිර ඉන්දීය කොදෙව් දූපත්හි පැවැත්වෙන වයස අවුරුදු 19න් පහළ ලෝක කුසලාන එක්දින ක්‍රිකට් තරගාවලියේ අවසන් පූර්ව වටයට සුදුසුකම් ලබා ගැනීමට ඉන්දීය යොවුන් කණ්ඩායම සමත් වුණා.

ඒ, තරගාවලියේ දෙවැනි අර්ධ අවසන් පූර්ව තරගයෙන් බංග්ලාදේශය කඩුලු 5කින් පරාජයට පත් කරමින්.

තරගයේ පළමුවෙන් පන්දුවට පහරදුන් පසුගියවර ලෝක ශූරතාවය දිනූ බංග්ලාදේශ යොවුන් කණ්ඩායමට පන්දුවාර 37.1ක් අවසානයේ සියලු දෙනා දැවී ලබා ගත හැකි වූයේ ලකුණු 111ක් පමණයි.

පසුගියවර ලෝක අනුශූරතාවය දිනූ ඉන්දීය යොවුන් කණ්ඩායම පිළිතුරු ඉනිම ක්‍රීඩා කරමින් තරගය ජය ගත්තේ පන්දුවාර 30.5ක් අවසානයේ කඩුලු 5ක් දැවී ලකුණු 117ක් ලබා ගනිමින්.

ඒ අනුව මෙවර යොවුන් ලෝක කුසලානයේ අවසන් පූර්ව වටයේ දී ඉන්දීය කණ්ඩායම ඔස්ට්‍රේලියාවට එරෙහිව ද, එංගලන්ත යොවුන් කණ්ඩායම ඇෆ්ඝනිස්තානයට එරෙහිව ද තරග වැදීමට නියමිතයි.

Leave a comment
logo