Ultimate magazine theme for WordPress.

යුනිස් ඛාන් පාකිස්තාන පිතිකරණ පුහුණුකරු තනතුරෙන් ඉවත් වෙයි

පාකිස්තාන ජාතික කණ්ඩායමේ පිතිකරණ පුහුණුකරු යුනිස් ඛාන් සිය ධූරයෙන් ඉවත් වීමට තීරණය කර තිබෙනවා.

ඉල්ලා අස්වීමට හේතුව සම්බන්ධයෙන් පාකිස්තාන ක්‍රිකට් ආයතනය සහ යුනිස් ඛාන් වැඩිදුර කරුණු පැහැදිලි කිරීමක් සිදු කර නැහැ.

නමුත්, පාකිස්තාන ක්‍රිකට් ප්‍රධාන විධායක නිළධාරී වසීම් ඛාන් සදහන් කළේ දීර්ඝ සාකච්ඡාවලින් පසුව අකමැත්තෙන් වුවත් අදාළ තීරණයට දෙපාර්ශවයම අන්‍යෝන්‍ය වශයෙන් එකග වූ බවයි.

ඒ අනුව එළඹෙන එංගලන්ත තරග සංචාරය සදහා පාකිස්තාන කණ්ඩායම පිතිකරණ පුහුණුකරුවෙකු නොමැතිව පිටත්ව යන බව පාකිස්තාන ක්‍රිකට් ආයතනය අද(22) නිවේදන කළා.

කෙසේ වෙතත්, එළඹෙන බටහිර ඉන්දීය කොදෙව් සංචාරය සදහා පිතිකරණ පුහුණුකරුවෙකු පසුව නම් කරන බව ද එරට ක්‍රිකට් ආයතනය සදහන් කළා.

හිටපු පාකිස්තාන නායකයෙකු වන යුනාස් ඛාන් පසුගිය නොවැම්බර් මාසයේ දී අදාළ ධූරයට පත් කරනු ලැබුවේ වසර දෙකක කාලයක් සදහායි.

එනම් 2022 වසරේ පැවැත්වීමට නියමිත පන්දුවාර 20යි 20 ලෝක කුසලාන ක්‍රිකට් තරගාවලිය දක්වා ඔහු එරට පිතිකරණ පුහුණුකරු ලෙස කටයුතු කිරීමට නියමිතව තිබුණා.

 

You might also like
logo