යාපනයේ යොවුන් ක්‍රීඩකයා දෝනිගේ ඇරයුමක් මත චෙන්නායි නුවරට
යාපනය ශාන්ත ජෝන් විද්‍යාලයේ 17 හැවිරිදි ක්‍රීඩකයෙකු වන Kugadas Mathulan පාසල් තරගයකදී යොමු කළ විශිෂ්ඨ පන්දුවක් පසුගිය දිනවලදී සමාජ මාධ්‍ය තුළ සංසරණය වූ බව ඔබට මතක ඇති.
ලසිත් මාලිංගගේ පන්දු යැවීමේ ඉරියව්වට යම් සමාන ඉරියව්වකින් පන්දු යවන ඔහු විසින් යොමු කළ විශිෂ්ඨ යෝකර් පන්දුවක් කෙළින්ම කඩුල්ලේ වදින අයුරු එම වීඩියෝවේ ඇතුළත්ව තිබුණා.
මේ වන විට ඔහු ඉන්දියාවේ චෙන්නායි හී රැදී සිටින බවත්, චෙන්නායි සුපර් කිංග්ස් නායක එම් එස් දෝනිගේ ආරාධනාවකට අනුව ඔහු එහි ගොස් ඇති බවත් වාර්තා වනවා.
ඒ අනුව මෙවර ඉන්දීය ප්‍රිමියර් ලීග් තරගාවලිය අතරතුර දී ඔහු චෙන්නායි සුපර් කිංග්ස් කණ්ඩායමේ දැල් පන්දු යවන්නෙකු (net bowler) ලෙස කටයුතු කිරීමට ඉඩ ඇති බව සදහන්.
එසේ වුවහොත් ලොව සුපිරි පිතිකරුවන් ඉදිරියේ පන්දු යැවීමේ අවස්ථාව ඔහුට හිමි වනු ඇති.
මෙවර අයි.පී.එල් තරගාවලිය එළඹෙන 22 වැනිදා ආරම්භ වන අතර, චෙන්නායි කණ්ඩායම නියෝජනය කරමින් මහීෂ් තීක්ෂණ හා මතීෂ පතිරණ තරගාවලියට ක්‍රීඩා කිරීමට නියමිතයි.
Today’s kutty story. This is Kugadas Mathulan from
St. John’s College, Jaffna. The 17-year-old is currently in Madras because M.S. Dhoni wanted to take a look at him. He has been currently assessed by CSK. Over the next few days, he’ll be bowling at Chepauk. pic.twitter.com/J9mJ43kLd6— Rex Clementine (@RexClementine) March 14, 2024
17 year old Jaffna slinga “Kugadas Mathulan” is currently at Chennai as M s Dhoni wanted to have a look at his Bowling. He wil be a net bowler for @ChennaiIPL during the IPL 2024. pic.twitter.com/3lHMzcHSJd
— Nibraz Ramzan (@nibraz88cricket) March 14, 2024