යළි ක්රිකට් ක්රීඩා කිරීමට නොඉවසිල්ලෙන් බලා ඉන්නවා : ධනුෂ්ක
ශ්‍රී ලංකාවට ගොස් යළි ක්රිකට් ක්‍රීඩාව ආරම්භ කිරීමට තමා දැඩි අපේක්ෂාවෙන් පසුවන බව ශ්‍රී ලංකා ක්රිකට් ක්‍රීඩක ධනුෂ්ක ගුණතිලක පවසනවා.
ඔහුට එරෙහිව එල්ල වූ කාන්තාවකට අතවර කිරීමේ චෝදනාවට ඔහු වරදකරු නොවන බව ඔස්ට්‍රේලියාවේ සිඩ්නි නුවර ඩවුනින් සෙන්ටර් දිස්ත්‍රික් අධිකරණය අද තීන්දු කිරීමෙන් අනතුරුව මාධ්‍ය වෙත අදහස් දක්වමින් ධනුෂ්ක මේ බව සදහන් කළා.
නඩු තීන්දුව ප්‍රකාශයට පත් කරමින් විනිසුරු Sarah Huggett විසින් 32 හැවිරිදි ධනුෂ්ක ගුණතිලකව එල්ල වූ චෝදනාවෙන් නිදොස් කොට නිදහස් කිරීමටයි අද පියවර ගත්තේ.
පවතින සාක්ෂි අනුව ධනුෂ්කට එරෙහි චෝදනාව සනාථ නොවන බව විනිසුරු විසින් ප්‍රකාශයට පත් කළා.
ඒ අනුව ධනුෂ්ක ගුණතිලකට ඉදිරියේ දී යළි ශ්‍රී ලංකාව බලා පැමිණීමට හැකි වනු ඇති.
තමා වෙනුවෙන් සහාය දැක් වූ සියලු දෙනාට තමා ස්තූතිවන්ත වන බව ධනුෂ්ක කියා සිටියා.
“මම සතුටු වෙනවා මගේ ජීවිතය යළි සාමාන්‍ය තත්වයට පත් වීම ගැන” යනුවෙන් ධනුෂ්ක සදහන් කළා.
"I'm happy that my life is normal again, so I can't wait to go back and play cricket, I like to thank all those who believed me and supported me" Danushka Gunatilake @danushka_70 pic.twitter.com/9I81ViTw0U
— NewsWire 🇱🇰 (@NewsWireLK) September 28, 2023