මේයර්ස්ගේ කඩුලු 5 හමුවේ එංගලන්තය අවමන් සහගත පරාජයක් අභියස
Day 3 Report
සංචාරක එංගලන්ත කණ්ඩායම හා බටහිර ඉන්දීය කොදෙව් කණ්ඩායම අතර පැවැත්වෙන තෙවැනි හා අවසන් ටෙස්ට් ක්‍රිකට් තරගයේ තෙවැනි දිනය මෙරට වේලාවෙන් අද(27) අලුයම නිමා වුණේ එංගලන්තයට අවමන් සහගත පරාජයකට මග පාදමින්.
දිනය නිමා වන විට එංගලන්තය සිය දෙවැනි ඉනිම වෙනුවෙන් කඩුලු 8ක් දැවී ලබා සිටියේ ලකුණු 103ක් පමණයි.
ක්‍රිස් වෝක්ස් හා ජැක් ලීච් පිළිවෙලින් ලකුණු 9ක් හා එක් ලකුණක් ලබා කඩුල්ලේ රැදී සිටිනවා.
ඇලෙක්ස් ලීස් දෙවැනි ඉනිමේ දී ද ලකුණු 31ක් ලබා ගත් අතර, ජොනී බෙයාර්ස්ටව් ලකුණු 22කට දැවී ගියා. ඔවුන් දෙදෙනා හැර සෙසු කිසිදු පිතිකරුවෙකු ලකුණු 10 සීමාව පසු කර ගියේ නැහැ.
පන්දු යැවීමේ දී ක්යල් මේයර්ස් ලකුණු 9කට කඩුලු 5ක් දවා ගත්තා. ජෙයිඩ්න් සීල්ස් හා අල්සාරි ජෝසප් අතරේ එක් කඩුල්ල බැගින් බෙදී ගියා.
තරගයේ පළමුව පන්දුවට පහරදුන් එංගලන්තය සියලු දෙනා දැවී ලකුණු 204ක් රැස් කළ අතර, පිළිතුරු ලෙස කොදෙව්වන් සිය පළමු ඉනිමට ලබා ගත් ලකුණු සංඛ්‍යාව 297ක්.
ඒ, ඔවුන්ගේ 6 වැනි කඩුල්ල ලකුණු 95ක්ව තිබියදී බිද වැටුණු පසුබිමකයි.
ජොෂුවා ද සිල්වා නොදැවී ලකුණු 100ක් වාර්තා කරමින් කොදෙව් ඉනිම ශක්තිමත් කළා. පන්දු 257කින් වාර්තා වූ ඔහුගේ ඉනිමට හතරේ පහර 10ක් ඇතුළත්.
පන්දු යැවීමේ දී ක්‍රිස් වෝක්ස් කඩුලු 3ක් බිද හෙලූ අතර, ක්‍රෙයිග් ඕවර්ටන්, සකිබ් මහ්මූද් හා බෙන් ස්ටොක්ස් අතරේ කඩුලු 2 බැගින් බෙදී ගියා.
— Windies Cricket (@windiescricket) March 26, 2022