මුතුසාමි කැදවමින් දකුණු අප්‍රිකා ටෙස්ට් සංචිතය නම් කෙරේ
ඔක්තෝබර් මාසයේ දී බංග්ලාදේශයට එරෙහිව පැවැත්වීමට නියමිත තරග දෙකකින් යුත් ටෙස්ට් ක්‍රිකට් තරගාවලිය සදහා වන දකුණු අප්‍රිකා සංචිතය නම් කර තිබෙනවා.
දග පන්දු යවන්නන් තිදෙනෙකු සංචිතයට නම් කර ඇති අතර, Senuran Muthusamy ද සංචිතයට කැදවීමටයි පියවර ගෙන ඇත්තේ.
ක්‍රීඩකයින් 15 දෙනෙකුගෙන් යුත් සංචිතයට මෙතෙක් ටෙස්ට් වරම් දිනා නොමැති Matthew Breetzke ද ඇතුළත්.
බංග්ලාදේශයේ පැවැති ආණ්ඩු විරෝධී උද්ඝෝෂණ සමග ඇතිව තිබූ නොසන්සුන් තත්ත්වය හේතුවෙන් ලෝක ටෙස්ට් ශූරතාවලියට අයත් මෙම තරගාවලිය පැවැත්වීම ද අවිනිශ්චිත මට්ටමක පැවතුණා.
කෙසේ වෙතත්, ආරක්ෂක ඇගයීමක් සිදු කිරීමෙන් පසුව මෙම සංචාරය පෙර සැලසුම් කළ පරිදි සිදු කිරීමට තීරණය කළ බව දකුණු අප්‍රිකා ක්‍රිකට් ආයතනය අද නිවේදනය කළා.
පළමු ටෙස්ට් තරගය ඔක්තෝබර් 21 වැනිදා ඩකා හී දී ද, දෙවැනි ටෙස්ට් තරගය ඔක්තෝබර් 29 වැනිදා Chattogram හී දී ද ආරම්භ වීමට නියමිතයි.
South Africa squad for Test series in Bangladesh
Temba Bavuma (capt), David Bedingham, Matthew Breetzke, Nandre Burger, Tony de Zorzi, Keshav Maharaj, Aiden Markram, Wiaan Mulder, Senuran Muthusamy, Dane Paterson, Dane Piedt, Kagiso Rabada, Tristan Stubbs, Ryan Rickelton (wk), Kyle Verreynne (wk)