Ultimate magazine theme for WordPress.

මිලියන 25 ක වන්දියක් ගෙවන්නැයි අර්ජුණ රණතුංගට අධිකරණයෙන් නියෝග

හිටපු නියෝජ්‍ය කතානායක තිලංග සුමතිපාල මහතාට රුපියල් කෝටි දෙකහමාරක (මිලියන 25 ක) වන්දියක් ගෙවන ලෙස ජාතික ක්‍රීඩා සභාවේ සභාපති, හිටපු අමාත්‍ය අර්ජුන රණතුංග මහතාට අද(17 වනදා) ගල්කිස්ස සිවිල් අභියාචනාධිකරණය නියෝග කළා.

ඒ, 2003 වසරේදී පැවැත් වූ මාධ්‍ය හමුවකදී තමන්ට අපහාස වන ආකාරයේ ප්‍රකාශයක් සිදු කළ බවට සදහන් කරමින් රණතුංග මහතාට එරෙහිව සුමතිපාල මහතා පවරා තිබූ පැමිණිල්ලක් විභාගයට ගැනීමෙන් අනතුරුවයි.

ටෙලිකොම් සමාගමේ සභාපති ධූරය ඇතුළු කිසිදු තනතුරකට තමා සුදුස්සෙකු නොවන බවට අපහාස හා අභූත චෝදනා සිදු කර ඇති බවත්, ඒ හේතුවෙන් තම කීර්තිනාමයට හානියක් සිදුව ඇති බැවින් රුපියල් මිලියන 500ක වන්දි මුදලක් අර්ජුන රණතුංග මහතාගෙන් අය කර දෙන ලෙසටත් ඉල්ලා තිලංග සුමතිපාල මහතා සිය පැමිණිල්ල ඉදිරිපත් කර තිබුණා.

Leave a comment