Ultimate magazine theme for WordPress.

මහීෂ් සහ චාමික චෙන්නායි කණ්ඩායම මිළදී ගනියි

මෙවර අබුඩාබි T 10 ලීග් තරගාවලිය සදහා එක් වන නවතම කණ්ඩායම වන චෙන්නායි බ්‍රේව්ස් කණ්ඩායම විසින් ශ්‍රී ලංකා ක්‍රීඩකයින් දෙදෙනෙකු සිය කණ්ඩායමට මිලදී ගෙන තිබෙනවා.

ඒ, තුන් ඉරියව් ක්‍රීඩක චාමික කරුණාරත්න හා දග පන්දු යවන ක්‍රීඩක මශීෂ් තීක්ෂණයි.

කෙසේ වෙතත්, මීට පෙර ක්‍රීඩක තෝරා ගැනීමේ අවස්ථාවේ දී (Draft) එම ක්‍රීඩකයින් දෙදෙනා තෝරා ගනු ලැබුවේ මරාත ඇරබියන්ස් කණ්ඩායම විසිනුයි.

චෙන්නායි කණ්ඩායමට නිකලස් පූරාන්, යුසුෆ් පතාන්, ඩැරන් බ්‍රාවෝ, මුනාෆ් පටෙල් වැනි ක්‍රීඩකයින් ද ඇතුළත්.

පස්වැනි වරට මෙවර පැවැත්වෙන අබුඩාබි T 10 ලීග් තරගාවලිය නොවැම්බර් 19 වනදා සිට දෙසැම්බර් 4 වනදා දක්වා පැවැත්වීමට නියමිතව ඇති අතර, ඊට එක්වන කණ්ඩායම් සංඛ්‍යාව 7ක්.

ශ්‍රී ලංකා හිටපු තුන් ඉරියව් ක්‍රීඩක ඉසුරු උදාන බංග්ලා ටයිගර්ස් කණ්ඩායම විසින් මීට පෙර එම කණ්ඩායමේ රදවා ගැනීමට කටයුතු කර තිබුණා.

එමෙන්ම වනිදු හසරංග රදවා ගැනීමට තීරණය කළේ ඩෙකෑන් ග්ලැඩියේටර්ස් කණ්ඩායමයි.

මරාත ඇරබියන්ස් කණ්ඩායම විසින් දුෂ්මන්ත චමීර, ධනංජය ලක්ෂාන් යන ක්‍රීඩකයින් ද සිය කණ්ඩායමට තෝරා ගත් අතර, නොදන් වොරියර්ස් කණ්ඩායම විසින් උපුල් තරංග හා බිනුර ප්‍රනාන්දු සිය කණ්ඩායමට තෝරා ගත්තා.

යොවුන් වේග පන්දු යවන ක්‍රීඩක මතීෂ පතිරණ බංග්ලා ටයිගර්ස් කණ්ඩායම විසිනුයි තෝරා ගනු ලැබුවේ.

Leave a comment
logo