මහීෂ් තීක්ෂණ සුපර් කිංග්ස් කණ්ඩායමට අලෙවි වෙයි
2022 ඉන්දීය ප්‍රිමියර් ලීග් ක්‍රිකට් තරගාවලියේ ක්‍රීඩක වෙන්දේසියේ දෙවන දිනයේ කටයුතු මේ වන විට බැංගලූරුහී දී සිදු වෙමින් පවතිනවා.
අද දිනයේ දී ශ්‍රී ලංකාවෙන් ඉදිරිපත් කෙරුණු දෙවැනි ක්‍රීඩකයා වූයේ දග පන්දු යවන ක්‍රීඩක මහීෂ් තීක්ෂණයි.
ඔහු චෙන්නායි සුපර් කිංග්ස් කණ්ඩායම විසින් මිලදී ගනු ලැබුවා.
ඒ, ඉන්දීය රුපියල් ලක්ෂ 70ක මුදලකටයි.
ඔහුට අමතරව අද දිනයේ දී වේග පන්දු යවන ක්‍රීඩක දුෂ්මන්ත චමීර ද මිලදී ගැනීමට ලක්නව් සුපර් ජයන්ට්ස් කණ්ඩායම සමත් වුණා.
ඉන්දීය රුපියල් කෝටි 2ක මුදලකටයි ඔහුව මිලදී ගැනීමට එම කණ්ඩායම සමත් වුණේ.
මීට පෙර වනිදු හසරංග ඉන්දීය රුපියල් කෝටි 10.75ක මුදලකට රෝයල් චැලෙන්ජර්ස් බැංගලෝර් කණ්ඩායම විසින් මිලදී ගත්තා.