මම පිත්තෙන් අසාර්ථක වුණත් හොඳ තීරණ ගන්න කෙනෙක් : දසුන් ශානක
තමා කණ්ඩායම මෙහෙයවීමේ දී ඒ සදහා පිතිකරණය බලපෑමක් කර නොගන්නා බව ශ්‍රී ලංකා සීමිත පන්දුවාර කණ්ඩායමේ නායක දසුන් ශානක පවසනවා.
මෑත කාලයේ දී පිතිකරණයෙන් අසාර්ථක වීම සම්බන්ධයෙන් අදහස් දක්වමින් ඔහු ඒ බව සදහන් කළේ ආසියානු කුසලාන එක්දින ක්‍රිකට් තරගාවලියේ අවසන් මහා තරගයට පෙර පැවැති මාධ්‍ය හමුවේ දී යි.
“මම කණ්ඩායම මෙහෙයවන්න ගියාම මගේ පිතිකරණය සංසන්දනය කරන්නේ නැහැ. තණතීරුවේ දී පිතිකරුවෙකු වීමට වඩා මගේ තීරණ ගැනීම වැදගත්.” යනුවෙන් දසුන් සදහන් කළා.
“මම කියන්නේ නෑ පිතිකරණය වැදගත් නෑ කියලා. ඒත් මට පිත්තෙන් වෙච්ච දේ අමතක කරන්න ඕන. තීරණ ගැනීමට අවශ්‍ය සෑම විටම මම සන්සුන්ව සිටිය යුතුය.
“මම ගොඩක් වෙලාවට මාව දකින්නේ පිත්තෙන් අසාර්ථක වුණත් හොඳ තීරණ ගන්න කෙනෙක් විදියට. අපට තිබූ ගැටලු මඟහරවා ගැනීමට එය කණ්ඩායමට උපකාර කරලා තියෙනවා. මා කෙරෙහි විශ්වාසය තැබීම ගැන මම තේරීම් කමිටුවට ස්තූතිවන්ත විය යුතුයි.”