Ultimate magazine theme for WordPress.

භානුක අවසන් මොහොතේ දී ඉන්දීය තරගාවලියෙන් එළියට

ශ්‍රී ලංකා ක්‍රිකට් ක්‍රීඩක භානුක රාජපක්ෂ එළඹෙන ඉන්දීය තරග සංචාරයෙන් ඉවත් කිරීමට ශ්‍රී ලංකා ක්‍රිකට් තේරීම් කමිටුව තීරණය කර ඇති බව වාර්තා වනවා.

newswire වෙබ් අඩවිය වාර්තා කර ඇත්තේ ඔහු කිලෝ මීටර් දෙකේ ශාරීරික යෝග්‍යතා පරීක්ෂණයෙන් සමත් වී ඇතත්, ඔහුගේ skinfold මට්ටම තවමත් අනුමත ප්‍රමාණයට ළගා වී නොමැති බැවින් මෙම තීරණය ගෙන ඇති බවයි.

භානුක රාජපක්ෂ ඉන්දීය තරගාවලිය අරමුණු කර ගනිමින් ජෛව ආරක්ෂිත බුබුලකට ද ඇතුළත්ව සිටි නමුත්, අවසන් මොහොතේ දී ඔහුව තරග සංචාරයෙන් ඉවත් කිරීමට මෙලෙස පියවර ගෙන ඇති බව සදහන්.

ඉන්දියාව සහ ශ්‍රී ලංකාව අතර තරග 3කින් යුත් පන්දුවාර 20යි 20 ක්‍රිකට් තරගාවලිය එළඹෙන 24 වනදා ආරම්භ වීමට නියමිතයි.

තරගාවලිය සදහා වන ශ්‍රී ලංකා සංචිතය මෙතෙක් නිල වශයෙන් නිවේදනය කර නැහැ.

මෙවර ඉන්දීය ප්‍රිමියර් ලීග් තරගාවලිය වෙනුවෙන් ශ්‍රී ලංකාවෙන් තෝරා ගත් එකම පිතිකරුවා වූයේ ද භානුක රාජපක්ෂයි.

පංජාබ් කිංග්ස් කණ්ඩායම විසින් ඔහුව මිලදී ගත්තේ ඉන්දීය රුපියල් ලක්ෂ 50ක මුදලකටයි.

Leave a comment
logo