Ultimate magazine theme for WordPress.

භානුකට ආරාධින T 20 තරගාවලිය අහිමි වෙයි; දෙදෙනෙකුට කොරෝනා

ශ්‍රී ලංකා මුල් පෙල පිතිකරුවෙකු වන භානුක රාජපක්ෂට ශ්‍රී ලංකා ක්‍රිකට් ආයතනය සංවිධාන කර ඇති ආරාධිත පන්දුවාර 20යි 20 ක්‍රිකට් තරගාවලිය ක්‍රීඩා කිරීමට නොහැකි වනු ඇති බව වාර්තා වනවා.

ඒ, ඔහු නිමා වූ ඉන්දීය එක්දින තරගාවලියේ දී මුහුණ දුන් ඇගිල්ලක ආබාධය මෙතෙක් සම්පූර්ණයෙන් සුව වී නොමැති බැවින්.

ඒ අනුව ඔහු තවදුරටත් වෛද්‍ය ප්‍රතිකාර ලබා ගනිමින් සිටින බවත්, අදාළ තරගාවලියට ක්‍රීඩා නොකරන ලෙසට ඔහුට වෛද්‍ය උපදෙස් ලැබී ඇති බවත්, ක්‍රීඩා මාධ්‍යවේදී ධනුෂ්ක අරවින්ද මහතා ට්විටර් පණිවිඩයක් නිකුත් කරමින් සදහන් කළා.

ලබන 12 වනදා ආරම්භ වීමට නියමිත ආරාධිත පන්දුවාර 20යි 20 ක්‍රිකට් තරගාවලියේ දී භානුක ක්‍රීඩා කිරීමට නියමිතව සිටියේ SLC Greys කණ්ඩායමයි.

මේ අතර, SLC Reds කණ්ඩායමේ මොහොමඩ් ශිරාස් හා නිමේෂ් විමුක්තිට කොවිඩ් 19 ආසාදනය වී ඇති බව ද ක්‍රීඩා මාධ්‍යවේදී ධනුෂ්ක අරවින්ද මහතා ට්විටර් පණිවිඩයක් නිකුත් කරමින් සදහන් කළා.

කෙසේ වෙතත්, ඉන් තරගාවලියට බලපෑමක් එල්ල නොකරනු ඇති.

සියලු කණ්ඩායම්වල සෙසු ක්‍රීඩකයින් සියලු දෙනාම තරගාවලිය ක්‍රීඩා කිරීම සදහා අද(9) මහනුවරට පිටත්ව ගොස් තිබෙනවා.

Leave a comment