Ultimate magazine theme for WordPress.

බිනුර ප්‍රනාන්දුටත් කොරෝනා

ශ්‍රී ලංකා වේග පන්දු යවන ක්‍රීඩක බිනුර ප්‍රනාන්දුට කොවිඩ් 19 ආසාදනය වී ඇති බව වාර්තා වනවා.

මේ වන විට ශ්‍රී ලංකා කණ්ඩායම සමග ඔස්ට්‍රේලියාවේ රැදී සිටින ඔහුට වෛරසය ආසාදනය වී ඇති බවට අනාවරණය වී ඇත්තේ සිදු කෙරුණු රැපිඩ් ඇන්ටිජන් පරීක්ෂාවකදීයි.

ඔහු PCR පරීක්ෂණයකට ද මුහුණ දී ඇති බවත්, එහි ප්‍රතිපල මෙතෙක් ලැබී නොමැති බවත් සදහන්.

නිමා වූ පළමු 20යි 20 තරගයේ දී බිනුර ප්‍රනාන්දු ලකුණු 12කට කඩුලු 2ක් දවා ගනිමින් විශිෂ්ඨ පන්දු යැවීමක ද නිරත වුණා.

මීට පෙර කුසල් මෙන්ඩිස්ට ද කොවිඩ් 19 ආසාදනය වූ අතර, ඒ හේතුවෙන් ඔහුට ඔස්ට්‍රේලියාවට එරෙහි පළමු 20යි 20 තරග දෙකම ක්‍රීඩා කිරීමේ අවස්ථාව අහිමි වුණා.

කෙසේ වෙතත්, තෙවැනි 20යි 20 තරගයට ක්‍රීඩා කිරීම සදහා කුසල් මෙන්ඩිස්ට ඇතැම්විට අවස්ථාවක් හිමි වනු ඇති.

ශ්‍රී ලංකාව හා ඔස්ට්‍රේලියාව අතර පැවැත්වෙන තරග 5කින් යුත් පන්දුවාර 20යි 20 තරගාවලියේ දෙවැනි තරගය හෙට(13) පැවැත්වීමට නියමිතයි.

Leave a comment
logo