බිග් බෑෂ් ලීග් තරගාවලියටත් දින නියම වෙයි

මෙවර බිග් බෑෂ් ලීග් පන්දුවාර 20යි 20 ක්‍රිකට් තරගාවලියේ තරග කාලසටහන ඔස්ට්‍රේලියානු ක්‍රිකට් ආයතනය විසින් අද(15) ප්‍රකාශයට පත් කළා.

ඒ අනුව තරගාවලිය දෙසැම්බර් 3 වනදා ආරම්භ වන බවයි එරට ක්‍රිකට් ආයතනය පැවසුවේ.

ඉන්දු – ඔස්ට්‍රේලියා පළමු ටෙස්ට් තරගය ආරම්භ වන්නේ ද එදිනම වීම විශේෂත්වයක්.

බිග් බෑෂ් ලීග් තරගාවලිය පෙබරවාරි 6 වනදා අවසන් වීමට නියමිතයි.

10 වන වරටත් මෙවර පැවැත්වෙන තරගාවලිය සදහා ද තරග 61ක් ඇතුළත් අතර, අවසන් වටයේ තරග සදහා කණ්ඩායම් පහක් ක්‍රීඩා කිරීමේ ක්‍රමවේදය මෙවරද ඇතුළත් කර තිබෙනවා.

මේ අතර කාන්තා බිග් බෑෂ් ලීග් 20යි 20 තරගාවලිය ඔක්තෝම්බර් 17 වනදා සිට නොවැම්බර් 29 වනදා දක්වා පැවැත්වෙන බව ද ඔස්ට්‍රේලියානු ක්‍රිකට් ආයතනය සදහන් කළා.