බාබර් අසාම් වසරක් තුළ දෙවැනි වරටත් නායකත්වයෙන් ඉල්ලා අස් වෙයි
පාකිස්තාන සීමිත පන්දුවාර කණ්ඩායමේ නායකත්වයෙන් ඉවත් වීමට බාබර් අසාම් තීරණය කර තිබෙනවා.
වසරක කාලයක් තුළ ඔහු නායකත්වයෙන් ඉවත් වූ දෙවැනි අවස්ථාව මෙය වීම විශේෂත්වයක්.
සිය කාර්යය ප්‍රමාණය (workload) අවම කර ගැනීමේ අරමුණින් හා පිතිකරණය සම්බන්ධයෙන් වැඩි අවධානයක් යොමු කිරීමේ අරමුණිනුයි ඔහු මෙම තීරණය ගෙන ඇත්තේ.
තමා පසුගිය මාසයේ දී සිය තීරණය සම්බන්ධයෙන් එරට ක්‍රිකට් ආයතනයට දැන් වූ බව බාබර් අසාම් සිය ට්විටර් (x) ගිණුමේ සටහනක් තබමින් සදහන් කළා.
“මගේ දක්ෂතාවලට ප්‍රමුඛත්වය දෙන්න, මගේ පිතිකරණය රසවිඳින්න, සහ මගේ පවුලේ අය සමඟ හොද කාලයක් ගත කරන්න” තමන් මෙම තීරණය ගත් බව ඔහු එම සටහනෙහි සදහන් කර තිබෙනවා.
පසුගිය වසරේ පැවැති එක්දින ලෝක කුසාලන ක්‍රිකට් තරගාවලියෙන් පසුව බාබර් අසාම් පළමු වරට සියලුම තරග රටාවල නායකත්වයෙන් ඉල්ලා අස් වුණා.
කෙසේ වෙතත්, ඉන් මාස 4කට පසුව ඔහුව යළිත් වරක් එක්දින හා විස්සයි 20 කණ්ඩායම්වල නායකත්වයට පත් කෙරුණා. ඉන් මාස හයකට පමණ පසුවයි බාබර් අසාම් මෙලෙස යළිත් සිය නායකත්වයට සමු දීමට පියවර ගෙන ඇත්තේ.
ඔහු නායකත්වයෙන් ඉවත් සිටි කාලයේ දී ශහීන් ශාහ් අෆ්රිඩි විස්සයි 20 කණ්ඩායමේ නායකයා ලෙස එක් තරගාවලියකදී පාකිස්තාන කණ්ඩායම මෙහෙයවා තිබුණා.
Dear Fans,
I’m sharing some news with you today. I have decided to resign as captain of the Pakistan men’s cricket team, effective as of my notification to the PCB and Team Management last month.
It’s been an honour to lead this team, but it’s time for me to step down and focus…
— Babar Azam (@babarazam258) October 1, 2024