Ultimate magazine theme for WordPress.

බ්‍රාවෝ දෙවැනි වරටත් ජාත්‍යන්තර ක්‍රිකට් පිටියට සමු දෙයි

මෙවර පන්දුවාර 20යි 20 ලෝක කුසලාන ක්‍රිකට් තරගාවලියෙන් පසුව තමා ජාත්‍යන්තර ක්‍රිකට් පිටියෙන් සමු ගන්නා බව බටහිර ඉන්දීය කොදෙව් තුන් ඉරියව් ක්‍රීඩක ඩ්වේයන් බ්‍රාවෝ පවසනවා.

කොදෙව් කණ්ඩායම මේ වන විට මෙවර තරගාවලියේ අවසන් පූර්ව වටයට සුදුසකම් ලබා ගැනීමට අපොහොසත් වී ඇති බැවින් ඔස්ට්‍රේලියාව සමග හෙට(6) පැවැත්වෙන තරගය ඔහුගේ අවසන් ජාත්‍යන්තර තරගය බවට පත් වනු ඇති.

මීට පෙර ද 2018 වසරේ දී බ්‍රාවෝ ජාත්‍යන්තර පිටියට සමු දෙන බව සදහන් කළා.

කෙසේ වෙතත්, අනතුරුව 2019 වසරේ දී ඔහු එම තීරණය වෙනස් කරමින් යළි ජාත්‍යන්තර තරග බිමට පිවිසියා.

2012 හා 2016 වසරවලදී 20යි 20 ලෝක ශූරතාවය දිනා ගත් කොදෙව් සංචිතයේ ද සාමාජිකයෙකු ලෙස ඔහු කටයුතු කළා.

Leave a comment
logo