Ultimate magazine theme for WordPress.

පැතුම්ට අයි.සී.සීයෙන් අනතුරු ඇගවීමක්

ශ්‍රී ලංකා ආරම්භක පිතිකරු පැතුම් නිස්සංකට ජගත් ක්‍රිකට් කවුන්සලය(අයි.සී.සී) විසින් අනතුරු ඇගවීමක් සිදු කර තිබෙනවා.

ඒ, ඔස්ට්‍රේලියාව සමග පැවැති දෙවැනි පන්දුවාර 20යි 20 තරගයේ දී අයි.සී.සී විනය නීති උල්ලංඝනය කිරීම හේතුවෙන්.

ඔහුගේ විනය වාර්තාවට දඩුවම් ලකුණක් ද පැනවීමට අයි.සී.සීය පියවර ගෙන තිබෙනවා.

පිතිකරණයේ නිරතව සිටියදී පන්දුවකට පහරක් එල්ල කිරීමට අසමත් වූ අවස්ථාවක නුසුදුසු භාෂාව යොදා ගනිමින් ඊට ප්‍රතික්‍රියා දැක් වූ බවටයි පැතුම්ට චෝදනා එල්ල වුණේ.

එහිදී ඔහු අයි.සී.සී නීති සංග්‍රහයේ 2.3 වගන්තිය උල්ලංඝනය කර ඇති අතර, එම වරද පැතුම් නිස්සංක විසින් පිළිගෙන ඇති බවයි ජගත් ක්‍රිකට් කවුන්සලය සදහන් කළේ.

මේ අතර, පන්දුවාර යැවීමේ වේගය නියමිත පරිදි පවත්වා ගැනීමට මෙම තරගයේ දී ශ්‍රී ලංකාව අසමත් වූ බැවින් ක්‍රීඩකයින්ට තරග ගාස්තුවෙන් 20% ක දඩ මුදලක් ද පනවා තිබෙනවා.

Leave a comment
logo