පාකිස්තාන – ඔස්ට්‍රේලියා ටෙස්ට් තරගාවලිය TikTok ටෙස්ට් තරගාවලිය ලෙස නම් කෙරේ
සංචාරක ඔස්ට්‍රේලියානු කණ්ඩායම හා පාකිස්තාන කණ්ඩායම අතර පැවැත්වීමට නියමිත තරග 3කින් යුත් ටෙස්ට් ක්‍රිකට් තරගාවලියේ ප්‍රධාන අනුග්‍රාහකයා (title sponsor) ලෙස TikTok සමාගම කටයුතු කරන බව පාකිස්තාන ක්‍රිකට් ආයතනය අද(25) නිවේදනය කළා.
ඒ අනුව ඉදිරියේ දී පාකිස්තාන ක්‍රිකට් ආයතනය විසින් නිල TikTok ගිණුමක් ද ආරම්භ කිරීමට කටයුතු කරන බවයි එරට ක්‍රිකට් ආයතනය සදහන් කළේ.
ඔස්ට්‍රේලියානු කණ්ඩායම මෙලෙස පාකිස්තාන තරග සංචාරයක නිරත වන්නේ වසර 24කට පසුව වීම විශේෂත්වයක්.
මෙම තරග සංචාරයේ දී දෙරට අතර ටෙස්ට් තරග 3ක්, එක්දින තරග 3ක් හා 20යි 20 තරගයක් පැවැත්වීමට නියමිතයි.
ටෙස්ට් තරගාවලිය මාර්තු 4 වැනිදා ආරම්භ වන අතර, සීමිත පන්දුවාර තරග 4 මාර්තු 29 වනදා සිට අප්‍රේල් 5 වනදා දක්වා රාවල්පින්ඩිහී දී පැවැත්වීමට නියමිතයි.