පාකිස්තානය ලකුණු 301ක් පිටුපසින්
Day 2 Report
සංචාරක ඔස්ට්‍රේලියානු කණ්ඩායම හා පාකිස්තාන කණ්ඩායම අතර පැවැත්වෙන තෙවැනි ටෙස්ට් ක්‍රිකට් තරගයේ දෙවැනි දිනය අද(22) නිමා වුණේ තරගයේ පාලනය කණ්ඩායම් දෙකටම සමව බෙදී යමින්.
දිනය නිමා වන විට සිය පළමු ඉනිම ක්‍රීඩා කරමින් සිටි පාකිස්තානය එක් කඩුල්ලක් දැවී ලකුණු 90ක් ලබා සිටියා.
පැට් කමින්ස්ගේ පන්දුවක් හමුවේ ඉමාම් උල් හක් ලකුණු 11කට දැවී ගිය අතර, අබ්දුල්ලාහ් ශෆික් නොදැවී ලකුණු 45 ක් හා අසාර් අලී නොදැවී ලකුණු 30ක් ලබා කඩුල්ලේ රැදී සිටිනවා.
දිනය ආරම්භ කරන විට ලාහෝර්හි පැවැත්වෙන තරගයේ කාසියේ වාසිය දිනා පළමුවෙන් පන්දුවට පහර දෙමින් සිටි ඔස්ට්‍රේලියාව අද දිනයේ දී සියලු දෙනා දැවී රැස් කළ ලකුණු සංඛ්‍යාව 391ක්.
උස්මාන් කවාජා ලකුණු 91ක්, කැමරන් ග්‍රීන් ලකුණු 79ක්, ඇලෙක්ස් කෙරී ලකුණු 67ක් හා ස්ටීවන් ස්මිත් ලකුණු 59ක් ලබා ගනිමින් ඔස්ට්‍රේලියා ඉනිම ශක්තිමත් කළා.
පන්දු යැවීමේ දී ශහීන් ශාහ් අෆ්රිඩි හා නසීම් ශාහ් කඩුලු 4 බැගින් දවා ගත්තා.
ඒ අනුව පාකිස්තානය මේ වන විට පළමු ඉනිමේ දී පිටුපසින් පසුවන ලකුණු සංඛ්‍යාව 301ක්.
𝗦𝗶𝗺𝗽𝗹𝘆 𝘀𝗲𝗻𝘀𝗮𝘁𝗶𝗼𝗻𝗮𝗹. The 19-year-old had quite an outing. #BoysReadyHain l #PAKvAUS I @iNaseemShah pic.twitter.com/ohLJZlJ4aA
— Pakistan Cricket (@TheRealPCB) March 22, 2022