පර්සිට ක්‍රිකට් ආයතනයෙන් මූල්‍ය පරිත්‍යාගයක්
ජනප්‍රිය තරග දිරිගන්වන්නෙකු වන පර්සි අබේසේකර මහතාට මූල්‍ය පරිත්‍යාගයක් ලබා දීමට ශ්‍රී ලංකා ක්‍රිකට් ආයතනය කටයුතු කර තිබෙනවා.
ඒ අනුව ඔහුට රුපියල් මිලියන පහක මූල්‍ය පරිත්‍යාගයක් සිදු කළ බවයි ශ්‍රී ලංකා ක්‍රිකට් ආයතනය නිවේදනය කළේ.
ඔහුගේ සෞඛ්‍ය තත්ත්වය යහපත්ව පවත්වා ගැනීමට සහාය වීමක් ලෙස මෙම මූල්‍ය පරිත්‍යාගය සිදු කර තිබෙනවා.
ශ්‍රී ලංකා ක්‍රිකට් සභාපති ශම්මි සිල්වා මහතාගේ ප්‍රධානීත්වයෙන් යුත් ශ්‍රී ලංකා ක්‍රිකට් විධායක කමිටුව විසින් මෙම තීරණය ගෙන තිබූ බව ක්‍රිකට් ආයතනය සදහන් කළා.
ශ්‍රී ලංකා ක්‍රිකට් ලේකම් මොහාන් ද සිල්වා මහතා විසින් පර්සි අබේසේකර මහතාගේ නිවසේ දී ඒ මහතාට මීට අදාළ චෙක්පත ලබා දීම සිදු කර තිබෙනවා.