නොකියාට තෙවැනි එක්දින තරගය අහිමි වෙයි
දකුණු අප්‍රිකා වේග පන්දු යවන ක්‍රීඩක අන්රික් නොකියාට ඔස්ට්‍රේලියාව සමග පැවැත්වීමට නියමිත තෙවැනි එක්දින ක්‍රිකට් තරගය ක්‍රීඩා කිරීමේ අවස්ථාව අහිමි වී තිබෙනවා.
ඒ, ඔහු පිට කොන්ද ආශ්‍රිත ආබාධයකට ලක්වීම හේතුවෙන්.
තරග 5 කින් යුත් එක්දින තරගාවලියේ දෙවැනි තරගයේ දී නොකියා මෙම ආබාධයට ලක් වුණා. ඒ හේතුවෙන් ඔහු පන්දුවාර 5 ක් පමණක් යොමු කිරීමෙන් පසුව පිටියෙන් ඉවත් වීමටයි පියවර ගත්තේ.
එම තරගයෙන් දකුණු අප්‍රිකාව ලකුණු 123 ක පරාජයක් ලැබූ අතර, එක්දින තරගාවලිය තරග 2-0 ක් ලෙස ඔස්ට්‍රේලියාව මේ වන විට පෙරමුණ හිමි කර ගෙන සිටිනවා.
අන්රික් නොකියා අද දිනයේ දී වැඩිදුර වෛද්‍ය පරීක්ෂණ සදහා යොමු කිරීමට නියමිතයි.
දෙරට අතර පැවැත්වෙන තෙවැනි එක්දින තරගය හෙට(12) පැවැත්වීමට නියමිතව තිබෙනවා.