නවකයින් තිදෙනෙකු සමග ඇෆ්ඝනිස්තාන ටෙස්ට් සංචිතය නම් කෙරේ

නවසීලන්තය සමග සැප්තැම්බර් 9 වැනිදා ඉන්දියාවේ Greater Noida හී දී ආරම්භ වීමට නියමිත ටෙස්ට් ක්‍රිකට් තරගය සදහා වන ඇෆ්ඝනිස්තාන සංචිතය නම් කර තිබෙනවා.

හෂ්මතුල්ලාහ් ශහීඩිගේ නායකත්වයෙන් යුත් සංචිතයට ක්‍රීඩකයින් 16 දෙනෙකු ඇතුළත්.

සංචිතය සදහා මෙතෙක් ටෙස්ට් වරම් දිනා නොමැති ආරම්භක පිතිකරුවෙකු වන Riaz Hassan, දග පන්දු යවන තුන් ඉරියව් ක්‍රීඩක Shams Ur Rahman හා වේග පන්දු යවන ක්‍රීඩක Khalil Ahmed නම් කර තිබෙනවා.

ආබාධ තත්ත්වයක් හේතුවෙන් ලද වෛද්‍ය නිර්දේශ මත දග පන්දු යවන ක්‍රීඩක රෂීඩ් ඛාන් ටෙස්ට් ක්‍රිකට් පිටියෙන් විවේකයක් ලබා ගෙන ඇති බැවින් ඔහු මෙම තරගයට නම් කර නැහැ.

ආබාධයකට ලක් වීම හේතුවෙන් වේග පන්දු යවන ක්‍රීඩක නවීඩ් සඩ්‍රාන්ට ද මෙම ටෙස්ට් තරගය අහිමි වී තිබෙනවා.

Afghanistan squad for New Zealand Test

Hashmatullah Shahidi (c), Ibrahim Zadran, Rahmat Shah, Abdul Malik, Riaz Hassan, Afsar Zazai (wk), Ikram Alikhil (wk), Bahir Shah, Shahidullah Kamal, Azmatullah Omarzai, Shams Ur Rahman, Zia-ur-Rehman, Zahir Khan, Qais Ahmad, Khalil Ahmad, Nijat Masood