දෝනිගේ වාර්තාව බිද දමමින් 20යි විස්සේ සාර්ථකම නායකයා බවට ඇෆ්ගන් පත් වෙයි

20යි 20 ජාත්‍යන්තර ක්‍රිකට් පිටියේ සාර්ථකම නායකයා බවට ඇෆ්ඝනිස්තාන නායක අස්ගර් ඇෆ්ඝන් පත්ව තිබෙනවා.

ඒ, අබුඩාබිහී දී සිම්බාබ්වේ කණ්ඩායමට එරෙහිව නිමා වූ තෙවැනි 20යි 20 තරගයෙන් ඇෆ්ඝනිස්තානය ලකුණු 47ක ජයක් වාර්තා කිරීමත් සමගයි.

එම ජයත් සමගින් දෙරට අතර පැවැති 20යි 20 තරගාවලිය තරග 3-0ක් ලෙස ජය ගැනීමට ද ඇෆ්ඝනිස්තානය සමත් වුණා.

තෙවැනි 20 තරගය ජය ගැනීමත් සමග මේ වන විට ඇෆ්ඝනිස්තාන නායක අස්ගර් ඇෆ්ගන් සිය කණ්ඩායම 20යි 20 ජාත්‍යන්තර තරගවලදී ජයග්‍රහනය සදහා මෙහෙයවා ඇති තරග සංඛ්‍යාව 42ක්.

ඒ අනුව ඔහු ලොව සාර්ථකම 20යි 20 නායකයා බවට පත් වුණේ මෙතෙක් එම වාර්තාවට හිමිකම් කියූ ඉන්දීය හිටපු නායක මහේන්ද්‍ර සිං දෝනි පසු කර යමින්.

දෝනි විසින් ඉන්දීය කණ්ඩායම තරග 41ක් ජය ගැනීම සදහා මෙහෙයවා තිබුණා.

You might also like